Yohanes 8:28 - Taaz Weru Witu u Nunuwu'en Tombulu

²⁸ A si Yesus kumuama wia ni séra, “I ni kamu timoozola si Oki' ni Tou, taré kamu mata'u i ni Akumo Sia si méipahkua-Kula. Wo ni kamu é mata'u im péléng am pahwanguneng-Ku én zéi'kan pahwanguneng-Ku mengiit um paaz-Ku in esa. Taan ni Aku mémahkua umana a méituzu' ni Ama'-Ku wia ni Aku.

Yohanes 8:28 Iomraidhean Croise

Matius 24:5

Pahpaan lakez sé tou é méyé wo maké u ngaran-Ku wo kumua in téntii, ‘Ni akumo si Mesias’, wo lakez sé tou mailulu néra.

Markus 13:6

Pahpaan lakez sé tou é méyé wo maké u ngaran-Ku wo kumua in téntii, ‘Ni akumo si Mesias’, wo lakez sé tou mailulu néra.

Lukas 21:8

Am wingkotela ni Yesus, “Tuméga-tégam én taa kamu ilulu. Pahpaan lakez sé tou é méyé wo maké u ngaran-Ku wo kumua in téntii, ‘Ni akumo si Mesias’ wo ‘Un orasna é lelezo’. Ni kamu én tia' mahkii-kiit ni séra.

Yohanes 11:42

Kata'uang-Ku ni Ko sekezé é mahtalinga ni Aku, taan pahpaan sé tou lakez sé rimendai makaliklik kenu, ni Aku éng kimua niitu, wo séra ma'éman i ni Komo si nimatumé ni Aku.”

Yohanes 13:19

Niitu é méikua-Ku wia ni kamu in tarékan, puunala niitu i mamuali, wo sa niitu mamuali in tumondong, ni kamu é ma'éman i ni Akumo Sia si pengento-ngento'en niou.

Yohanes 16:10

i ni Aku én ulit witu u sinaru ni Opo Empung pahpaan ni Aku é mangé wia si Ama' wo ni kamu kangkasii én zéi'mo milek ni Aku.

Yohanes 18:32

Téntu u nimamuali wo malekep u méinuwu' ni Yesus, i nimapata'u tumoro kura Sia i maté.

Yohanes 19:18

Si Yesus é méisalip néra witu. Witu ung kawihi wo kakan-Na é méisalip kasii sé zua tou walina wo si Yesus é méiunez.

Yohanes 3:11

Uli-ulit ikua-Kuma wia ni ko, ni kai é mahnuwu'ma tumoro ang kata'uan nai wo ni kai é mahkua tumoro a niilek nai, taan ni kamu soo ma'éman an ipahkua nai.

Yohanes 3:14

Wo tanu si Musa timoozla si ulé' tambaga am wangunen witu un tektek rakék witi kapelasan, téntu kangkasii si Oki' ni Tou én itooz né tou witu u salip,

Yohanes 4:26

Kuan ni Yesus wia ni sia, “Ni Akumo Sia, si mahsirita kariamu.”

Yohanes 5:19

A si Yesus mingkotla wia ni séra, “Uli-ulit ikua-Kuma wia ni kamu, si Oki' ni Opo Empung én zéi'kan mata'u kumura sa zéi'kan nimilek um winangun ni Ama'. Pahpaan apa um pahpaayangen ni Ama' niitu kangkasii um pahpaayangen ni Oki'.

Yohanes 5:30

Zéi'kan siapa un toro wanguneng-Ku ikiit um paaz-Ku in esa. Ni Aku i mahtotoz am pahwangunen né tou in ulit kaapa zéi'kan é mengiit an tinalinga-Ku wia si Ama'. Wo ni Aku én zéi'kan mahsanaweka i mahtotoz am pahwangunen né tou ulit kaapa zéi'kan, pahpaan ni Aku én zéi'kan mahkiit um paaz-Ku in esa taan mahkiit uman um paaz ni Ama' si nimatumé ni Aku.

Yohanes 6:38

Pahpaan ni Aku én timumpamomé im witi kasendukan zéi'kan i mangun um paaz-Ku, taan i mangun um paaz ni Opo Empung si nimatumé ni Aku.

Yohanes 8:24

Pahpaano niitu ing kataré ni Aku éng kimuama wia ni kamu i ni kamu é maté karia a singkéla' niou. Pahpaan sa ni kamu zéi'kan ma'éman i ni Akumo ni Sia si méipahkua-Kumola, ni kamu é maté karia a singkéla' niou.”

Yohanes 8:27

Sé tou timalingama niitu, zéi'kan katulapan néra sa um pahkuan ni Yesus én tumoro si Ama'-Na.

Yohanes 8:58

Kuan ni Yesus wia ni séra, “Uli-ulit ikua-Kuma wia ni kamu, puunala si Abraham im wia, ni Aku ém wiamo.”

Kisah Rasul-rasul 2:41

Sé tou niméhé genang witu u méikua ni Petrus é niméhéla un tou néra i sinarani. Im witu un endo itiikan, sé tou ma'éman wia si Yesus éng kinaawesan woo teluna riwu tou.

Kisah Rasul-rasul 4:4

Taan im wia sé tou timalinga an tutuzu' itii é lakez sé nima'éman, taka-takazan sé tou ma'émano, sé tuama é nimaéndomoma woo limana riwu tou.

Roma 1:4

Wo karia ung kawasa ni Roh Lenas ni Sia é méitoumomé sumaup im wia sé nimaté un tumuzu'mé i ni Siamo si Yesus Kristus Mahpiarata, si Oki' ni Opo Empung si mahkawasa.