Yohanes 8:26 - Taaz Weru Witu u Nunuwu'en Tombulu

²⁶ Lakezpé' u léwo'zéi' in ikua-Ku wia ni kamu wo tumotoz ulit kaapa zéi'kan am pahwangunen niou. Taan ni Aku é mahkua uman an tinalinga-Kumé wia si Opo Empung si nimatumé ni Aku. Péléng a méikua-Na én ulit wo niitu kangkasii un ipahkua-Ku wia ni kamu im wia ung kaayahan kenu.”

Yohanes 8:26 Iomraidhean Croise

Yohanes 15:15

Ni kamu én zéi'mo pahkuang-Ku in ata, pahpaan si ata én zéi'kan mata'u a mawangunen ni tuangna, taan ni kamu ém pahkuang-Ku ing kakaria, pahpaan ni Aku éng kimuamo wia ni kamu péléng an tinalinga-Kumé wia si Ama'-Ku.

Yohanes 16:12

Lakezpé' u léwo'zéi' ikua-Kuma wia ni kamu, taan in tarékan ni kamu én zéi'kampé' makawawa i makailek niitu.

Yohanes 17:8

Pahpaan péléng a méinuwu' ni Ama' wia ni Aku é méikua-Kumola wia ni séra wo ni séra én timalingamo wo ma'émano niitu. Ni séra é mata'umo i ni Aku én uli-ulit wia si Ama' a méyé wo ni séra é ma'éman i si Ama' si nimatumé ni Aku.

Yohanes 18:20

A sia wingkotela ni Yesus, “Zéi'kan siapa an ipahwuni-wuni-Ku i mahnuwu'ma wia sé tou lakez. Sekezé ni Aku é mahtuzu' wana am walé peraragésan né tou Yahudi wo witi Walé ni Opo Empung, witi peréréwokan péléng né tou Yahudi. Ni Aku zéi'kan kawisa mahwuni-wuni i mahnuwu'ma.

Yohanes 3:11

Uli-ulit ikua-Kuma wia ni ko, ni kai é mahnuwu'ma tumoro ang kata'uan nai wo ni kai é mahkua tumoro a niilek nai, taan ni kamu soo ma'éman an ipahkua nai.

Yohanes 7:16

Si Yesus nimingkotla wia ni séra, “Am pahtuzu'-Ku én zéi'kan tutuzu'-Ku in esa, taan tutuzu' ni nimatumé ni Aku.

Yohanes 7:28

I si Yesus mahtuzu' witi lésaz um Walé ni Opo Empung, ni Sia mahkérét, “Niitu én ulit i ni Aku éng kata'uan niou wo kata'uan niou wisa ni Aku a méyé. Ni Aku im wia'i én zéi'kan pahpaan um paaz-Ku in esa, taan si Opo Empung si nimatumé ni aku. Ni Sia si nimatumé ni Aku én ulit wo ni kamu én zéi'kan mata'u ni Sia.

Yohanes 8:25

Ang kuan néra wia ni Sia, “Séi Ko wé?” Kuan ni Yesus wia ni séra, “Rengané ing kataré é mémoikua-Kula wia ni kamu.

Yohanes 8:27

Sé tou timalingama niitu, zéi'kan katulapan néra sa um pahkuan ni Yesus én tumoro si Ama'-Na.

Yohanes 8:40

Ni Aku é mahkuama wia ni kamu ung kaulitan tinalingakumé wia si Opo Empung, taan ni kamu é mahtututu' i munu' ni Aku. Si Abraham én zéi'kan mahwangun tanu um pahwangunen niou.

2 Korintus 1:18

Si Opo Empung én zéi'kan nimaliuz wana a méitaaz-Na, téntu kangkasii ni kai én zéi'kan nimaliuz wana a méitaaz nai. Niitumo, ni kai én zéi'kan mahkua ‘éné’ wo witu ung genang én ‘zéi'kan’.