Yohanes 8:25 - Taaz Weru Witu u Nunuwu'en Tombulu

²⁵ Ang kuan néra wia ni Sia, “Séi Ko wé?” Kuan ni Yesus wia ni séra, “Rengané ing kataré é mémoikua-Kula wia ni kamu.

Yohanes 8:25 Iomraidhean Croise

Lukas 22:67

Im witu ni séra meligau, “Sa ni Komo si Mesias, ikuamé wia ni kai?” A si Yesus mingkotla, “Zozo' ni Aku kumuama wia ni kamu, niitu én zéi'kan pa'émanen niou;

Yohanes 1:19

Téntii u méiwingkot ni Yohanes Menanarani im wia sé woopira walian wo sé suzu ni Lewi, sé méiatumé né tonaas né tou Yahudi sé witi Yerusalem, i meligau, “Séi ndéén ko wé?”

Yohanes 1:22

A séra mahkua wia ni sia, “Sa téntu, ikuamé wia ni kai séi ko? Pahpaan ni kai é léwo'zéi' im wéwéhan u maiwingkot wia sé nimatumé ni kai. Apa un ikuamu tumoro un toumu in esa?”

Yohanes 10:24

A sé tou Yahudi rumimbungla wia ni Sia a mahkua wia ni Sia, “Makaz sawisa ni kai iwaya-Mu i mahzua-zua genang? Sa ni Ko é Mesias, ipakaulitomé wia ni kai.”

Yohanes 19:9

A sia muntepa sumaup witi istanana. I si Yesus méipahwalimomé i nimuntepé, a si Pilatus kumuama wia ni Sia, “Wisa Ko a méyé wé?” Taan si Yesus zéi'kan nimingkotla.

Yohanes 8:12

A si Yesus kumua kasiima wia sé tou lakez itii, “Ni Akumo si sena' ung kaayahan. Si tou mahkiit ni Aku én zéi'kan mahlampang witu ung karimbengbengan taan ni sia makailek u sena' u mahwangun sé tou makailek ung katou-touan makaz ing kauré-uré.”

Yohanes 8:24

Pahpaano niitu ing kataré ni Aku éng kimuama wia ni kamu i ni kamu é maté karia a singkéla' niou. Pahpaan sa ni kamu zéi'kan ma'éman i ni Akumo ni Sia si méipahkua-Kumola, ni kamu é maté karia a singkéla' niou.”

Yohanes 8:26

Lakezpé' u léwo'zéi' in ikua-Ku wia ni kamu wo tumotoz ulit kaapa zéi'kan am pahwangunen niou. Taan ni Aku é mahkua uman an tinalinga-Kumé wia si Opo Empung si nimatumé ni Aku. Péléng a méikua-Na én ulit wo niitu kangkasii un ipahkua-Ku wia ni kamu im wia ung kaayahan kenu.”