Yohanes 8:23 - Taaz Weru Witu u Nunuwu'en Tombulu

²³ A Sia kumua wia ni séra, “Ni kamu ém wia um wawa' kenu a méyé, ni Aku ém witi atas a méyé. Ni kamu ém wia ung kaayahan kenu a méyé, taan ni Aku én zéi'kan wia ung kaayahan kenu a méyé.

Yohanes 8:23 Iomraidhean Croise

Yohanes 1:14

U Nuwu' ni Opo Empung itii é nimaéndomo tou wo menou-nou im wia ni kita wo ni kita é nimileko ung kawangko'an-Na. Ung kawangko'an-Na itii éng kinailekan-Na pahpaan ni Sia én Oki' esa uman ni Opo Empung. Wo ni Sia én tumuzu'mé i si Opo Empung én ulit wo ni Sia mahtambéré ung kamang wia ni kita.

Yohanes 17:14

Ni Aku éng kimuamoma u nuwu' ni Ama' wia sé pahtuzu'eng-Ku, niitumo sé tou wia ung kaayahan kenu é mazi'zis ni séra pahpaan ni séra én zéi'kan masuat karia né tou wia ung kaayahan kenu sé zéi'kan ma'éman. Ni Aku kangkasii én zéi'kan masuat karia né tou wia ung kaayahan kenu.

Yohanes 17:16

Ni séra én zéi'kan masuat karia né tou wia ung kaayahan kenu sé zéi'kan ma'éman, tanu ni Aku in zéi'kan masuat karia né tou wia ung kaayahan kenu.

Yohanes 3:13

Zéi'kan siapa zozo' in esa si tou si nimahpené-penékoma witi kasendukan, akaz uman ni Sia si timumpamé im witi kasendukan, ni Siamo si Oki' ni Tou.

Yohanes 3:31

Ni Sia si witi kasendukan a méyé é lumouspé'mé ung kawangko'an péléng né tou, taan ni sia si wia ung kaayahan a méyé én tou wia ung kaayahan wo mahkua tumoro a mahmuali wia ung kaayahan kenu. Ni Sia si witi kasendukan a méyé é lumouspé'mé ung kawangko'an péléng né tou.

Yakobus 4:4

É kamu sé nimaliuz a méitaaz! Zéi'kan kata'uan niou wé sa kamu mahkaloan karia ung kaayahan, ni kamu é makahkoro' wo si Opo Empung? Niitumo, séi si mahkaloan karia ung kaayahan kenu, ni sia nimangun un touna maéndo kakoro' ni Opo Empung.