Yohanes 8:21 - Taaz Weru Witu u Nunuwu'en Tombulu

²¹ A si Yesus kumua kasiila wia sé tou lakez, “Ni Aku é mangé tumula'uma ni kamu wo ni kamu é mamenéro ni Aku, taan ni kamu é maté karia a singkéla' niou. Ni kamu én zéi'kan mamuali i méyé witi tampa angéang-Ku.”

Yohanes 8:21 Iomraidhean Croise

Matius 23:39

Ikua-Kuma wia ni kamu: Rengana in tarékan ni Aku én zéi'mo pahile-ileken nioula, makaz ni kamu mahkua, ‘Loozela Sia, si niméyé karia u ngaran ni Opo Empung!’ ”

Matius 25:41

Ang kuan-Na wia sé tou witu ung kawihi-Na, ‘Tumingkasa im witu u sinaru-Ku, é kamu sé tou tinoro un epa'! Muntepoma witu un api zéi'kan mahpaté u niimek in iwéhé wia si tonaas né sétang wo sé malaekatna.

Matius 25:46

Sé tou kenu én iuntep witi tampa pahukuman makaz ing kauré-uré, taan sé tou ulit én iuntep witu ung katou-touan makaz ing kauré-uré.”

Yohanes 12:33

Ni Sia kimua téntu i mapata'u kura Sia i maté.

Yohanes 12:35

Kuan ni Yesus wia ni séra, “U sena' én zéi'mo mauréma i mengari-ngaria ni kamu. Lumampangola karegas u sena itii im wiapé' ni kamu, wo ung karimbengbengan tia' kumawasa wia ni kamu. Séi uman si mahlampang witu ung karimbengbengan, ni sia én zéi'kan mata'u wisa um pahsaruanna.

Yohanes 13:33

É kamu sé oki'-Ku, zéi'mo mauréma ni Aku i mahwali-wali karia niou. Ni kamu é mamenéro ni Aku, wo tanu u mémoikua-Kula wia sé tonaas né tou Yahudi: ‘Ni kamu én zéi'kan mamuali i méyé witi tampa angéang-Ku’, téntu kangkasii un ikua-Ku wia ni kamu.

Yohanes 7:34

Ni kamu é mamenéro ni Aku, taan ni Aku én zéi'kan kailekan niou pahpaan ni kamu én zéi'kan mata'u méyé witu um pahwéha-wéhang-Ku.”

Yohanes 7:36

Apa kahuman ung kalakoan u méikua-Namé kenu, ‘Ni kamu é mamenéro ni Aku taan ni Aku én zéi'kan kailekan niou’ wo, ‘Ni kamu én zéi'kan mata'u méyé witu um pahwéha-wéhang-Ku?’ ”

Yohanes 8:24

Pahpaano niitu ing kataré ni Aku éng kimuama wia ni kamu i ni kamu é maté karia a singkéla' niou. Pahpaan sa ni kamu zéi'kan ma'éman i ni Akumo ni Sia si méipahkua-Kumola, ni kamu é maté karia a singkéla' niou.”

Efesus 2:1

Puunala ni kamu i ma'éman, ni kamu én tanu nimatémo pahpaan a léwo'an wo a singkéla' niou.