Yohanes 8:20 - Taaz Weru Witu u Nunuwu'en Tombulu

²⁰ Péléng niitu é méikua ni Yesus i ni Sia mahtuzu' witi lésaz um Walé ni Opo Empung rété um penanahu'an an zoit raragés. Taan zéi'kan siapa zozo' in esa si timion ni Sia, pahpaan zéi'kampé' méikaayola witu un oras-Na.

Yohanes 8:20 Iomraidhean Croise

Matius 26:55

A si Yesus kumuala wia sé tou lakez itii, “Pahgenangen nioula ni Aku én tou léwo' taka-takazan ni kamu nimahalimé am pisou wo am wéwélwél i métumion ni Aku? Sekez in endo ni Aku é rimumez wo mahtuzu' witi lésaz um Walé ni Opo Empung, taan ni Aku zéi'kan pahtitionan niou.

Matius 27:6

Am purutela né tonaas né walian an zoit péra' itii ang kumua, “An zoit kenu én zéi'kan toro itahu' witu um penanahu'an a raragés pahpaan an zoit kenu én zoit un zaha'.”

Markus 12:41

Makasamé, si Yesus rimumez makasaru um penanahu'an a raragés wo mena'u-na'u sé tou lakez i mahtahu'ma an zoit witu um penanahu'an itii. Lakez sé tou wa'ilan é mahtahu'ma an zoit lakez.

Markus 12:43

A si Yesus tumawahmé sé pahtuzu'en-Na ang kumua, “Uli-ulit ikua-Kuma wia ni kamu, u méiwéhéma ni wéwéné mahesa-esamokan si zéi'kan siapa apa kenu é lumakezpé'mé an zoit méitahu'ma né tou witu um penanahu'an a raragés.

Lukas 20:19

Timalingamé niitu, sé tou tulap un Torat wo sé tonaas né walian é mahtututu' i mahtition ni Sia in toro niitukan, pahpaan kata'uan néramo sa sé paza'i-Nala witu un aandéan itii é ni séra, taan ni séra é maindé' wia sé tou lakez.

Lukas 21:1

Im witi lésaz um Walé ni Opo Empung, si Yesus nimilek sé tou wa'ilan timahu'ma u raragés néra witu um penanahu'an a raragés.

Yohanes 10:39

Makasapé' kasii ni séra i mahtition ni Sia, taan ni Sia én zéi'kan kinationan néra.

Yohanes 2:4

A si Yesus mingkotla, “Ma', kaa ko kimuamé téntu wia ni Aku? Zéi'kampé' orasna ni Aku mapata'u séi ni Aku.”

Yohanes 7:14

Karegas i mahlé'os um pésta itii, si Yesus muntepa witi lésaz um Walé ni Opo Empung a mahtuzu' witu.

Yohanes 7:30

A séra mahtututu' in tumion ni Sia, taan zéi'kan siapa zozo' in esa si timiona wia ni Sia, pahpaan zéi'kampé' orasna.

Yohanes 7:44

Sé woopira im wia ni séra é mahtition ni Sia, taan zéi'kan siapa zozo' in esa si méikationa wia ni Sia.

Yohanes 7:8

Mangémo kamu witi pésta itii. Ni Aku én zéi'kan mangé witu, pahpaan in tarékan én zéi'kampé' oras-Ku i mangé witu.”

Yohanes 8:2

Masandonamé, woondopé' karengan ni Sia ém witimo lésaz um Walé ni Opo Empung wo lakez sé tou mahéyé wia ni Sia. Ni Sia rumumezla a mahtuzu' ni séra.

Yohanes 8:59

A séra méndomé watu i merit ni Sia, taan si Yesus én zéi'mo niilek nérama in timula'uma u lésaz um Walé ni Opo Empung.