Yohanes 8:18 - Taaz Weru Witu u Nunuwu'en Tombulu

¹⁸ Ni Akumo si mahkua tumoro un tou-Ku in esa wo kangkasii si Ama', si nimatumé ni Aku é mahkua tumoro ang kata'uan-Na wia ni Aku.”

Yohanes 8:18 Iomraidhean Croise

Yohanes 10:11

Ni Akumo si memimiara sé domba si lé'os uman. Si memimiara domba lé'os é mayo ung katou-touanna pahpaan sé dombana.

Yohanes 10:14

Ni Akumo si memimiara sé domba si lé'os uman wo kata'uang-Ku sé domba-Ku wo sé domba-Ku é mata'u ni Aku,

Yohanes 10:30

Ni Aku wo si Ama'-Ku én esa.”

Yohanes 10:9

Ni Akumo si pepenet. Séi uman si muntep kimiité ni Aku, ni sia én ipilot im witu un ukuman wana a singkéla'. Ni sia én tanu si domba si muntep wo mondol a makailek kakanen.

Yohanes 11:25

Ang kuan ni Yesus wia ni sia, “Ni Akumo si tumou sumaup sé nimatémo wo mahwéhé ung katou-touan. Séi uman si ma'éman wia ni Aku, ni sia é mamenou-nou zozo' ni sia nimatémo.

Yohanes 14:6

Kuan ni Yesus wia ni sia, “Ni Akumo si lalan i mangé wia si Opo Empung wo mapata'u ung kaulitan tumoro si Opo Empung wo si mahwéhé ung katou-touan makaz ing kauré-uré. Zéi'kan siapa zozo' in esa si mangé wia si Ama' sa zéi'kan mengiité ni Aku.

Yohanes 8:12

A si Yesus kumua kasiima wia sé tou lakez itii, “Ni Akumo si sena' ung kaayahan. Si tou mahkiit ni Aku én zéi'kan mahlampang witu ung karimbengbengan taan ni sia makailek u sena' u mahwangun sé tou makailek ung katou-touan makaz ing kauré-uré.”

Yohanes 8:25

Ang kuan néra wia ni Sia, “Séi Ko wé?” Kuan ni Yesus wia ni séra, “Rengané ing kataré é mémoikua-Kula wia ni kamu.

Yohanes 8:38

Apa a niilek-Ku wia si Ama', niitu an ipahkua-Ku. Téntu kangkasii ni kamu, ni kamu mahwangun an tinalinga niou im wia si ama' niou.”

Yohanes 8:51

Uli-ulit ikua-Kuma wia ni kamu: Séi uman si mahkiit u nuwu'-Ku, ni sia én zéi'kan maté makaz ing kauré-uré.”

Yohanes 8:58

Kuan ni Yesus wia ni séra, “Uli-ulit ikua-Kuma wia ni kamu, puunala si Abraham im wia, ni Aku ém wiamo.”

Ibrani 2:4

Si Opo Empung kangkasii é nimenté' an tinalinga wo an ipahkua néra itii, karia niméhé ung kawasa-Na wia ni séra i mahwangun sé tou mengusi-ngusingsing wo a makakompo'en wo an tatambér ni Roh Lenas, a méiwéhé-Na mengiit ung kapaaz-Na.