Yohanes 8:15 - Taaz Weru Witu u Nunuwu'en Tombulu

¹⁵ Ni kamu mahtotoz in ulit kaapa zéi'kan am pahwangunen né tou mengiit ung kinanaram né tou, taan zéi'kan siapa zozo' in esa si tou tinotoz-Ku in ulit kaapa zéi'kan um pahwangunenna,

Yohanes 8:15 Iomraidhean Croise

Lukas 12:14

Taan kuan ni Yesus wia si tou itii, “Séi si timuzu'la ni Aku i maéndo menonotoz kaapa meméméténg a sangkum méitula'uma né tu'a niou?”

Yohanes 12:47

Sa si tou timalinga an ipahkua-Ku, taan zéi'kan mahwangun niitu, ni Aku én zéi'kan tumotoz ulit kaapa zéi'kan um pahwangunenna. Pahpaan ni Aku i méyé én zéi'kan i mukum sé tou wia ung kaayahan kenu, taan i milot ni séra im witu un ukuman wana a singkéla'.

Yohanes 18:36

Wingkotela ni Yesus, “Ung Kakolanoang-Ku én zéi'kan wia ung kaayahan kenu. Sa ung Kakolanoang-Ku ém wia ung kaayahan kenu, tantumo sé tou-Ku é sumaru, wo ni Aku zéi'kan iayo wia sé tou Yahudi, taan ung Kakolanoang-Ku én zéi'kan wia ung kaayahan kenu a méyé.”

Yohanes 3:17

Pahpaan si Opo Empung nimatumé si Oki'-Na wia ung kaayahan kenu zéi'kan i mémukum sé tou wia ung kaayahan, taan i milot sé tou wia ung kaayahan kenu im witu un ukuman wana a singkéla'.

Yohanes 7:24

Tia'mo mahtotoz um pahwangunen ni tou in ulit kaapa zéi'kan mengiit an toro pahileken, taan totozela am pahwangunen né tou in ulit kaapa zéi'kan mengiit ung kaulitan.”

Yohanes 8:11

Kuana, “Zéi'kan siapa, Tuang.” Ang kuan ni Yesus, “Ni Aku kangkasii én zéi'kan mukum ni ko. Mangémo wo rengan in tarékan, tia'mo memangu-mangun a singkéla'.”]

Roma 2:1

Niitumo, séi uman ni ko, tia' mapahsasala' sé tou walina pahpaan ni ko in esa én zéi'kan siapa un toro iwingkot ing kumua i ni ko én ulit. Karia i mapahsasala' sé tou walina, ni ko kangkasii é mapahsasala' am pahwangunennu, pahpaan ni ko si mapahsasala' sé tou walina é memangu-mangun kangkasii an téntu.

1 Korintus 2:15

Si tou wéwéhan si Roh ni Opo Empung én toro mata'u wisa un ulit wo wisa un zéi'kan ulit, taan zéi'kan siapa tou toro tumotoz i ni sia én ulit kaapa zéi'kan.

2 Korintus 5:16

Niitumo, ni kai én zéi'kan mahukur si tou tanu um pakahukur in tou uman, sé lumelo uman am wia ung kaayahan, zozo' im puuna ni kai i mahukur si Kristus én tanu um pakahukur in tou.

Yakobus 2:4

Karia i mahwangun an téntu, zéi'kankuaa ni kamu é meméléng uman tou wo nimaéndomo menonotoz wia si kasuat tou karia ung genang léwo'?