Yohanes 8:11 - Taaz Weru Witu u Nunuwu'en Tombulu

¹¹ Kuana, “Zéi'kan siapa, Tuang.” Ang kuan ni Yesus, “Ni Aku kangkasii én zéi'kan mukum ni ko. Mangémo wo rengan in tarékan, tia'mo memangu-mangun a singkéla'.”]

Yohanes 8:11 Iomraidhean Croise

Lukas 13:3

Taan ikua-Kuma wia ni kamu, ‘Zéi'kan!’ Sa kamu zéi'kan tumula'ula a singkéla' niou, ni kamu péléng kasii é mawunu'en tanu ni séra.

Lukas 13:5

Ikua-Kuma wia ni kamu, ‘Zéi'kan!’ Taan sa kamu zéi'kan tumula'ula a singkéla' niou, ni kamu péléng é maté tanu u nimamuali wia ni séra.”

Lukas 15:10

Ni Aku kumuama wia ni kamu, téntu kangkasii sé malaekat ni Opo Empung sé witi kasendukan é mahpaa-paaz pahpaan wéwéhan si tou mahsingkéla' timula'u a singkéla'na.”

Lukas 15:32

Niitumo ni kita ém wangun i mahpaa-paaz pahpaan si tuarimu én tanu nimatémo a matoumé sumaup, si méikalulu éng kinailekanola sumaup.’ ”

Lukas 15:7

Ni Aku éng kumuama wia ni kamu, ‘Téntu kangkasii u mahpaa-paaz mamuali witi kasendukan, pahpaan wéwéhan si tou tumula'ula a singkéla'na. U mahpaa-paaz itii é lumouspé'mé u mahpaa-paaz wia sé siouna pulu' wo siou tou ulit sé zéi'mo memandung in tumula'u a singkéla' néra.’ ”

Lukas 5:32

Ni Aku i niméyé én zéi'kan métumawah sé tou ulit taan métumawah sé tou mahsingkéla', wo séra tumula'ula a siningkéla' néra.”

Lukas 9:56

A séra mangé witi wanua walina.

Yohanes 18:36

Wingkotela ni Yesus, “Ung Kakolanoang-Ku én zéi'kan wia ung kaayahan kenu. Sa ung Kakolanoang-Ku ém wia ung kaayahan kenu, tantumo sé tou-Ku é sumaru, wo ni Aku zéi'kan iayo wia sé tou Yahudi, taan ung Kakolanoang-Ku én zéi'kan wia ung kaayahan kenu a méyé.”

Yohanes 3:17

Pahpaan si Opo Empung nimatumé si Oki'-Na wia ung kaayahan kenu zéi'kan i mémukum sé tou wia ung kaayahan, taan i milot sé tou wia ung kaayahan kenu im witu un ukuman wana a singkéla'.

Yohanes 5:14

Tumondongé, si Yesus nimahilekan karia ni tou itii witi Walé ni Opo Empung ang kumua wia ni sia, “Gena-genangen, ni ko é lé'oso, tia'mo ko memangu-mangunpé' kasii a singkéla', wo ni ko zéi'kan makailek an zézéha lumouspé'mé ung kawutez u nimamuali wia ni ko.”

Yohanes 8:15

Ni kamu mahtotoz in ulit kaapa zéi'kan am pahwangunen né tou mengiit ung kinanaram né tou, taan zéi'kan siapa zozo' in esa si tou tinotoz-Ku in ulit kaapa zéi'kan um pahwangunenna,

Roma 2:4

Kaa iperorosmu u raraatéan-Na, ung kaezenan-Na wo ung kalé'osan-Na un totoz wangko' im wia ni ko? Zéi'kan kata'uannu wé ung kalakoan u raraatéan ni Opo Empung u mahkit ni ko in tumula'ula a singkéla'mu?

1 Korintus 5:12

Pahpaan zéi'kan paayangengku i mahtotoz ulit kaapa zéi'kan am pahwangunen né zéi'kan jamaat ni Opo Empung. Taan im wia ni kamu sé jamaat ni Opo Empung, zéi'kankuaa ni kamu sé mahtotoz am pahwangunen né jamaat niou?

2 Petrus 3:15

Genangenola ung kaezenan ni Mahpiarata én témpo niou in ipilot im witu un ukuman wana a singkéla'. Ang kenu é masuat wo u méipantik ni Paulus an iwéhé wia ni kamu pahpaan ang katulapanna a méitambéré ni Opo Empung wia ni sia. Ni sia éng katuarita esa pa'émanen wo ikararaatéta.