Yohanes 7:6 - Taaz Weru Witu u Nunuwu'en Tombulu

⁶ A si Yesus kumuala wia ni séra, “In tarékan én zéi'kampé' oras-Ku i mangé witi Yerusalem, taan wia ni kamu sekezé ém wéwéhan un orasna.

Yohanes 7:6 Iomraidhean Croise

Matius 26:18

A mingkotla si Yesus, “Mangémo witi wanua tua'na wia si tou wo ikuala wia ni sia in téntii, ‘Kuan ni Méster: Un oras-Ku én zéi'mo uré, witu un untep um walémumo ung kanenang-Ku karia né pahtuzu'eng-Ku i lumé'os um Paskah.’ ”

Yohanes 13:1

In endo mahsiwo-siwo i lumé'os un endo Paskah né tou Yahudi, si Yesus é mata'umo in oras-Namo tumula'u ung kaayahan kenu wo mangé wia si Ama'-Na. Ni Sia é rumaraaté sé tou sé nimaéndo anu-Na sé wia ung kaayahan kenu wo ni Sia é rumaraaté ni séra makaz ni Sia ing kalekepan.

Yohanes 17:1

I nimakakuamola niitu, a si Yesus lumoho'ma witi langit ang kumua, “Ama', in tarékan é méikaayomola witu un oras tinotoz-Mu. Ipapaileka ung kawangko'ang-Ku in Oki'-Mu. Karia in téntu ni Aku kangkasii é mapailek ung kawangko'an-Nu.

Yohanes 2:4

A si Yesus mingkotla, “Ma', kaa ko kimuamé téntu wia ni Aku? Zéi'kampé' orasna ni Aku mapata'u séi ni Aku.”

Yohanes 7:30

A séra mahtututu' in tumion ni Sia, taan zéi'kan siapa zozo' in esa si timiona wia ni Sia, pahpaan zéi'kampé' orasna.

Yohanes 7:8

Mangémo kamu witi pésta itii. Ni Aku én zéi'kan mangé witu, pahpaan in tarékan én zéi'kampé' oras-Ku i mangé witu.”

Yohanes 8:20

Péléng niitu é méikua ni Yesus i ni Sia mahtuzu' witi lésaz um Walé ni Opo Empung rété um penanahu'an an zoit raragés. Taan zéi'kan siapa zozo' in esa si timion ni Sia, pahpaan zéi'kampé' méikaayola witu un oras-Na.

Kisah Rasul-rasul 1:7

A si Yesus mingkotla wia ni séra, “Un oras wo sawisa niitu i mamuali én zéi'kan totoz ing kata'uan niou, si Ama' uman si wéwéhan kawasa in tumotoz un oras itii.