Yohanes 7:43 - Taaz Weru Witu u Nunuwu'en Tombulu

⁴³ Niitumo sé tou lakez mahéndo-éndoan tumoro ni Sia.

Yohanes 7:43 Iomraidhean Croise

Matius 10:35

Pahpaan ni Aku i niméyé é mémangun si tarétumou i sumaru si ama'na, si raraha i sumaru si ina'na wo si oki' wéwéné i sumaru si mahnuangna wéwéné.

Lukas 12:51

Apa pahgenangen niou ni Aku i niméyé é mahalimé u mahlé'o-lé'osan wia sé tou wia ung kaayahan kenu? Zéi'kan! Ikua-Kuma wia ni kamu, zéi'kan u mahlé'o-lé'osan um pinahali-Kumé, taan ni Aku é nimahalimé am pahkoro'an.

Yohanes 10:19

Pahpaan u méikuama ni Yesus itii, sé tou Yahudi itii mahéndo-éndoano kasii. Lakez im wia ni séra sé mahkua,

Yohanes 7:12

Lakez sé tou mahkekewitan tumoro ni Sia. Wéwéhan sé mahkua: “Ni Sia én tou lé'os.” Wéwéhan kasii sé mahkua: “Zéi'kan, ni Sia é mahlululu uman sé tou lakez.”

Yohanes 9:16

Ang kuan né woopira im wia sé sana réwok tou Farisi itii, “Si tou nimangun niitu én zéi'kan wia si Opo Empung a méyé, pahpaan ni Sia én zéi'kan mahtali-talinga an tinotoz tumoro un endo Sabat.” Taan sé walina mahkua, “Sa Sia tou mahsingkéla', kura kahuman Sia toro mangun u makakompo'en tanu niitu?” A séra rengan i mahéndo-éndoan.

Kisah Rasul-rasul 14:4

Taan sé tou lakez witu um wanua tua'na itii é nimawéténg. Wéwéhan sé mahkiit sé tou Yahudi sé zéi'kan ma'éman, wo wéwéhan kasii sé mahkiit sé aatu ni Yesus.