Yohanes 7:39 - Taaz Weru Witu u Nunuwu'en Tombulu

³⁹ Si pahkuan ni Yesus én tumoro si Roh ni Opo Empung, si makailekan né tou ma'éman ni Sia. Pahpaan in toro niitu si Roh ni Opo Empung én zéi'kampé' niméyé, pahpaan si Yesus én zéi'kampé' pahloozen wo pahsigi'en.

Yohanes 7:39 Iomraidhean Croise

Matius 16:14

A séra mingkotla, “Wéwéhan sé mahkua: Yohanes Menanarani, sé walina é mahkua: Elia wo sé walina kasii é mahkua: Yeremia kaapa si esaané im wia sé nabi.”

Matius 21:11

A sé tou lakez itii mingkotla, “Si Kenumo si Nabi Yesus si witi Nazaret tana' Galilea a méyé.”

Lukas 24:49

Ni Aku in esa si matu si Roh Lenas wia ni kamu, si mémoitaaz ni Ama'-Ku. Taan ni kamu é léwo'zéi' i mento'ma wia am wanua tua'na kenu akaz ung kawasa ni Opo Empung si witi kasendukan kailekan niou.”

Lukas 3:16

A mingkotla si Yohanes wia sé tou lakez itii, “Ni aku é mahsarani ni kamu karia un zano, taan ni Sia si méyé, ung kawasa-Na é lumouspé'mé ung kawasaku. Maan i mowar uman un tali sapatu-Na ni aku én zéi'kan wangun. Ni Sia é sumarani ni kamu karia si Roh Lenas wo un api.

Lukas 7:16

Péléng sé tou witu é maindé' a mahsigi' wo mahlooz si Opo Empung. Ni séra é mahkua, “Si Opo Empung é nimatumomé si nabi wangko' i mémahwali-wali kariata! Si Opo Empung é niméyémo i mésumawang sé tou-Na!”

Yohanes 1:21

A séra meligau wia ni sia, “Sa téntu, séi ko? Ni ko si Nabi Elia?” Wingkotenala, “Zéi'kan!” A séra meligau kasii, “Apa ni ko si Nabi si méyé itii?” Am wingkotenala, “Zéi'kan!”

Yohanes 1:25

Ni séra é meligau wia ni sia, “Sa téntu, kaa ko mahsarani sé tou, sa ko zéi'kan Mesias, zéi'kan Nabi Elia wo zéi'kan nabi si méyé?”

Yohanes 1:33

Wo ni aku in esa im puuna én zéi'kan mata'u ni Sia, taan si Opo Empung si nimatumé ni aku i mahsarani karia un zano éng kimuamo wia ni aku, ‘Sa ko milek si Roh itii timumpama wia si tou wo mento'la wia ni Sia, ni Siamo si mésumarani karia si Roh Lenas.’

Yohanes 12:16

In toro niitu sé pahtuzu'en ni Yesus én zéi'kampé' makatulap am pahwangunen né tou lakez itii. Taan i si Yesus nimakailekola u sigi' wo looz i ni Sia méitoumomé sumaup, taré kagenangan nérala péléng a nimamuali wia si Yesus, tanu u méikua ni Opo Empung witu um Pinantik Lenas, téntu kangkasii péléng am winangun néra wia ni Sia.

Yohanes 12:23

Ang kuan ni Yesus wia ni séra, “In tarékano un orasna si Oki' ni Tou i loozen wo sigi'en.

Yohanes 14:13

Wo apa uman um pahaléien niou mengiité u ngaran-Ku, niitu ém wanguneng-Ku, wo si Ama' pahloozen wo pahsigi'en mengiité si Oki'.

Yohanes 14:26

Taan si Roh Lenas, si Menunulung, si iatumé ni Ama'-Ku mengiité u ngaran-Ku, ni Siamo si matumuzu' ni kamu péléng am péléng wo mapagenang wia ni kamu péléng a mémoikua-Ku wia ni kamu.

Yohanes 16:14

Ni Sia é sumigi' wo lumooz ni Aku, pahpaan ni Sia éng kumua wia ni kamu ang kinailekan-Na im wia ni Aku.

Yohanes 16:7

Taan ni Aku mahkuama an ulit wia ni kamu: Sa ni Aku mangé, niitupé' um wéwéhan torona im wia ni kamu. Pahpaan sa ni Aku zéi'kan mangé, si Menunulung itii én zéi'kan méyé wia ni kamu. Taan sa ni Aku mangé, ni Aku é matumé ni Sia wia ni kamu.

Yohanes 17:1

I nimakakuamola niitu, a si Yesus lumoho'ma witi langit ang kumua, “Ama', in tarékan é méikaayomola witu un oras tinotoz-Mu. Ipapaileka ung kawangko'ang-Ku in Oki'-Mu. Karia in téntu ni Aku kangkasii é mapailek ung kawangko'an-Nu.

Yohanes 17:5

Wo in tarékan, o Ama', ipapaileka ung kawangko'an-Ku in Oki'-Mu, karia ung kawangko'an un anu-Ku karia ni Ama' rengan im puuna, puunala ung kaayahan kenu im winangun.

Yohanes 20:22

Makakuama niitu a Sia sumengoma wia ni séra wo mahkua, “Sungkulenola si Roh Lenas.

Yohanes 6:14

I niilekla né tou itii u makakompo'en winangunla ni Yesus, ni séra mahkua, “Ni Sia én uli-ulit Nabi si méitaaz ni Opo Empung i méyé wia ung kaayahan kenu.”

Yohanes 7:12

Lakez sé tou mahkekewitan tumoro ni Sia. Wéwéhan sé mahkua: “Ni Sia én tou lé'os.” Wéwéhan kasii sé mahkua: “Zéi'kan, ni Sia é mahlululu uman sé tou lakez.”

Yohanes 8:54

A si Yesus mingkotla, “Sa ni Aku mahsigi' wo mahlooz uman un tou-Ku in esa, u sigi' wo u looz itii én zéi'kan siapa torona. Si mahsigi' wo mahlooz ni Aku é si Ama'-Ku, si pahkuan niou in Opo Empung niou.

Kisah Rasul-rasul 19:2

A sia meligau wia ni séra, “I ni kamu nima'émanla wia si Yesus, apa ni kamu é nimakailekola si Roh Lenas?” A sera mingkotla, “Zéi'kampé', maan taré i nimahtali-talingala im wéwéhan si Roh Lenas én zéi'kampé'.”

Kisah Rasul-rasul 2:17

‘Wana an endo kamurian, si Roh-Ku én iwéhé-Ku wia péléng sé tou. Wo sé oki' niou sé tuama wo wéwéné é mapata'u wia sé tou a méikua-Ku wia ni séra. Sé tarétumou wo sé raraha niou ém wéwéhan un ipapailek ni Opo Empung, wo sé tu'a ém wéhan ni Opo Empung un ipi.

Kisah Rasul-rasul 2:33

Tumondongla niitu, ni Sia é méirakék ni Opo Empung a makaileké si Roh Lenas si méitaaz ni Ama'. An itumpa-Namé si Roh itii tanu a niilek wo tinalinga niou wia un tampa kenu.

Kisah Rasul-rasul 2:38

A mingkotla si Petrus wia ni séra, “Itula'umola a singkéla' niou wo iwéhémola un tou niou i saranin witu u ngaran ni Yesus Kristus wo ni kamu makailek un ampungan ni Opo Empung wana a singkéla' niou. Karia in téntu ni kamu é makailek un tatambér. Un tatambér itii é si Roh Lenas.

Kisah Rasul-rasul 2:4

A si Roh Lenas kumawasala wia ni séra péléng. Tumondong niitu, a séra méhé i mahnuwu' karia a nunuwu'en walina, mengiit a méiwéhémé ni Roh Lenas wia ni séra.

Kisah Rasul-rasul 3:13

Si Opo Empung si pa'émanen ni Abraham, ni Ishak wo ni Yakub wo kasii si pa'émanen né nimaopota, ni Sia é simigi' wo limoozola si Ata-Na, si Yesus si méikasoo nioula wo méiayo nioula wia si gubernur Pilatus, zozo' si Pilatus in esa timotozola i milot ni Sia.

Kisah Rasul-rasul 4:31

Karegas i mengaléi, un tampa kinaréwokan néra é mahogémo. Ni séra péléng éng kinawasamo ni Roh Lenas, a séra mahwoka' u Nuwu' ni Opo Empung karia in zéi'kan siapa un ikaindé'.

Roma 8:9

Taan ung katou-touan niou én zéi'kan mahkiit ung kapaaz un awak niou in esa taan mahkiit ung kapaaz ni Roh ni Opo Empung, pahpaan si Roh ni Opo Empung é nimaesamo karia niou. Si tou zéi'kan siapa Roh ni Kristus witu un aténa, ni sia én zéi'kan anu ni Kristus.

2 Korintus 3:8

tantumo u lumouspé'mé niitu é ung kawangko'an um pinataazan weru um pahpaayangen ni Roh Lenas u mahwali ni kita i maéndo ulit.

Efesus 4:30

Tia'mo mahwangun un até ni Roh ni Opo Empung i rumara pahpaan si Roh ni Opo Empung si tumuzu'mé i ni kamu én anu ni Opo Empung makaz witu un endo kaakazan ung kaayahan i si Opo Empung méhé ung katou-touan makaz ing kauré-uré.