Yohanes 7:36 - Taaz Weru Witu u Nunuwu'en Tombulu

³⁶ Apa kahuman ung kalakoan u méikua-Namé kenu, ‘Ni kamu é mamenéro ni Aku taan ni Aku én zéi'kan kailekan niou’ wo, ‘Ni kamu én zéi'kan mata'u méyé witu um pahwéha-wéhang-Ku?’ ”

Yohanes 7:36 Iomraidhean Croise

Yohanes 12:34

A Sia wingkotela né tou lakez, “Ni kai én timalingamo im wana an tinotoz witu un ukum Torat i si Mesias é menou-nou makaz ing kauré-uré. Kura kahuman ni Ko mahkua i si Oki' ni Tou é léwo'zéi' in itooz? Séi si Oki' ni Tou itii?”

Yohanes 13:33

É kamu sé oki'-Ku, zéi'mo mauréma ni Aku i mahwali-wali karia niou. Ni kamu é mamenéro ni Aku, wo tanu u mémoikua-Kula wia sé tonaas né tou Yahudi: ‘Ni kamu én zéi'kan mamuali i méyé witi tampa angéang-Ku’, téntu kangkasii un ikua-Ku wia ni kamu.

Yohanes 3:4

Ang kumuala si Nikodemus wia ni Sia, “Kura kahuman si tou in itoumé sa sia tu'amo? Toro wé sia muntep sumaup witu um poot ni ina'na wo itoumé sumaup ni ina'na?”

Yohanes 3:9

Ang kumuala si Nikodemus wia ni Sia, “Kura kahuman niitu mamuali?”

Yohanes 6:41

A sé tou Yahudi rengan i mengengu-ngengut tumoro si Yesus pahpaan ni Sia kimuama, “Ni Aku kenumo u roti timumpamé im witi kasendukan.”

Yohanes 6:52

Kaitalingamé niitu, sé tou Yahudi mahzéi-zéi'an karia i mahkua, “Kura ni Sia toro méhé un awak-Na ing kanenta?”

Yohanes 6:60

In timalingamoma a méikuama ni Yesus, lakez sé mahkii-kiit ni Sia mahkua, “A méikuamé itii én totoz wutez, séi si toro kumiit a méikuamé itii?”

Yohanes 7:34

Ni kamu é mamenéro ni Aku, taan ni Aku én zéi'kan kailekan niou pahpaan ni kamu én zéi'kan mata'u méyé witu um pahwéha-wéhang-Ku.”

Yohanes 8:21

A si Yesus kumua kasiila wia sé tou lakez, “Ni Aku é mangé tumula'uma ni kamu wo ni kamu é mamenéro ni Aku, taan ni kamu é maté karia a singkéla' niou. Ni kamu én zéi'kan mamuali i méyé witi tampa angéang-Ku.”

1 Korintus 2:14

Taan si tou zéi'kan siapa Roh ni Opo Empung é soo tumalinga an ipahtuzu' ni Roh ni Opo Empung, pahpaan niitu ém pahkuana ing kalemouan. An ipahkua ni Roh ni Opo Empung én zéi'kan kata'uanna, niitu é makata'uannamokan sa si Roh ni Opo Empung sumawang ni sia i mata'u niitu.