Yohanes 7:28 - Taaz Weru Witu u Nunuwu'en Tombulu

²⁸ I si Yesus mahtuzu' witi lésaz um Walé ni Opo Empung, ni Sia mahkérét, “Niitu én ulit i ni Aku éng kata'uan niou wo kata'uan niou wisa ni Aku a méyé. Ni Aku im wia'i én zéi'kan pahpaan um paaz-Ku in esa, taan si Opo Empung si nimatumé ni aku. Ni Sia si nimatumé ni Aku én ulit wo ni kamu én zéi'kan mata'u ni Sia.

Yohanes 7:28 Iomraidhean Croise

Matius 11:27

A si Yesus kumua kasiima, “Péléng am péléng é mémoiayo ni Ama'-Ku wia ni Aku. Zéi'kan siapa zozo' in esa si mata'u si Oki', akaz uman si Ama' si mata'u si Oki', wo zéi'kan siapa zozo' in esa si mata'u si Ama', akaz uman si Oki' si mata'u si Ama' wo sé tou pinéléng ni Oki' sé makuaan-Na tumoro si Ama'-Na.

Matius 2:23

I ni séra mémoikaayoma witi Galilea, a séra mento'la witi wanua tua'na makangaran Nazaret. Niitu é nimamuali, wo malekepla u nuwu' ni Opo Empung mengiité sé nabi tumoro si Koki' itii: “Ni Sia éng kuan in tou Nazaret.”

Matius 26:55

A si Yesus kumuala wia sé tou lakez itii, “Pahgenangen nioula ni Aku én tou léwo' taka-takazan ni kamu nimahalimé am pisou wo am wéwélwél i métumion ni Aku? Sekez in endo ni Aku é rimumez wo mahtuzu' witi lésaz um Walé ni Opo Empung, taan ni Aku zéi'kan pahtitionan niou.

Lukas 10:22

Péléng am péléng é mémoiayo ni Ama'-Ku wia ni Aku. Zéi'kan siapa zozo' in esa si mata'u si Oki', akaz uman si Ama'. Zéi'kan siapa zozo' in esa si mata'u si Ama', akaz uman si Oki' wo sé tou sé kapaaz ni Oki' sé makuaan-Na tumoro si Ama'.”

Lukas 2:11

Téntii u Nuwu' Lé'os itii, ‘In endo kenu é nimatoumomé witi wanua tua'na ni Daud, si Milot ni kamu im witu un ukuman wana a singkéla'. Ni Siamo si Kristus, si Mahpiara.’

Lukas 2:39

I si Yusuf wo si Maria nimangunomé péléng a léwo'zéi' im wangunen néra tanu u méipantik witu un ukum Torat, a séra mawuri witi walé néra witi wanua tua'na Nazaret, witi Galilea.

Lukas 2:4

Téntu kangkasii si Yusuf, ni sia timula'umé um wanua tua'na Nazaret witi Galilea a mangé witi Yudea witi wanua tua'na ni Daud, u makangaran Betlehem, pahpaan ni sia é suzu ni Daud.

Lukas 2:51

A Sia mawuri witi Nazaret mahwali karia ni ama' wo ni ina'-Na. Ni Sia én totoz mahtali-talinga uman wia sé tu'a-Na. Péléng a nimamuali itii ém pegena-genangen uman ni ina'-Na.

Yohanes 1:46

Si Natanael kimuala wia si Filipus, “Amo kahuman im wéwéhan um wangun witi Nazaret a méyé?” A si Filipus kumuala wia ni sia, “Méyémo wo méileken!”

Yohanes 10:36

kaa ni kamu mahkua ni Aku mahséro' wia si Opo Empung pahpaan mahkua ni Aku én Oki' ni Opo Empung? Ni Aku ém pinéléng ni Ama' wo nimatumé ni Aku i méyé wia ung kaayahan.

Yohanes 12:49

Pahpaan ni Aku zéi'kan mahnuwu' mengiit ung kapaaz-Ku. Si Ama' si nimatumé ni Aku, ni Siamo si mahperéntamé wia ni Aku apa u léwo'zéi' in ikua-Ku wo inuwu'-Ku.

Yohanes 14:10

Zéi'kan pa'émanennu wé i ni Aku é nimaesa karia ni Ama' wo si Ama' é nimaesa karia-Ku? A méikua-Kuma wia ni ko én zéi'kan witu ung genang-Ku a mangé, taan wia si Ama' si nimaesa karia-Ku a mangé, ni Siamo si mahwangun péléng am pahpaayangen-Na.

Yohanes 14:31

Taan péléng sé tou wia ung kaayahan kenu é léwo'zéi' mata'u i ni Aku é rumaraaté si Ama' wo ni Aku é mangun péléng a méiperénta-Na wia ni Aku. Rumendaiomé, méyémo kita mangémo.”

Yohanes 16:3

Ni séra mahwangun an téntu wia ni kamu pahpaan ni séra én zéi'kampé' mata'u si Ama' wo ni Aku.

Yohanes 17:25

O Ama' si zéi'kan mahsanaweka, sé tou wia ung kaayahan én zéi'kan mata'u si Ama', taan ni Aku é mata'u si Ama' wo sé pahtuzu'eng-Ku kenu é mata'u i si Ama' si nimatumé ni Aku.

Yohanes 17:3

Ung kenumo ung katou-touan makaz ing kauré-uré, i sé tou mata'u si Ama', si Ama' é si Opo Empung si esa uman si ulit wo mata'u ni Aku, si Yesus Kristus si méiatumé ni Ama'.

Yohanes 3:2

Ni sia niméyé wia si Yesus im wengimo ang kumua, “Méster, kata'uan nai ni Ko i niméyé é méiatumé ni Opo Empung i méster. Pahpaan zéi'kan siapa si tou toro mangun a makakompo'en tanu am pahwangunen-Nu itii sa zéi'kan kinaria ni Opo Empung.”

Yohanes 3:33

Séi si ma'éman an ipahkua-Na, ni sia é makaulit i si Opo Empung én ulit.

Yohanes 5:32

Taan si Ama' si mahkua ang kata'uan-Na tumoro ni Aku, wo kata'uang-Ku un ipahkua-Na tumoro ni Aku én ulit.

Yohanes 5:43

Ni Aku niméyé éng karia u ngaran ni Ama'-Ku taan ni kamu é soo sumungkul ni Aku. Taan sa sé tou walina méyé karia ung kawasana in esa, ni kamu ém paaz sumungkul ni sia.

Yohanes 6:42

Kuan néra, “Zéi'kankuaa ni Sia é si Yesus, oki' ni Yusuf, si ina' wo ama'-Na éng kata'uanta? Kura kahuman Sia mahkua, ni Sia én timumpamé im witi kasendukan?”

Yohanes 7:14

Karegas i mahlé'os um pésta itii, si Yesus muntepa witi lésaz um Walé ni Opo Empung a mahtuzu' witu.

Yohanes 8:14

Kuan ni Yesus wia ni séra, “Zozo' ni Aku mahkua tumoro un tou-Kukan, um pahkua-Ku én ulit, pahpaan kata'uang-Ku, wisa ni Aku a méyé wo wisa un angéang-Ku. Taan ni kamu én zéi'kan mata'u, wisa ni Aku a méyé wo wisa un angéang-Ku.

Yohanes 8:16

wo sa ni Aku tumotoz am pahwangunen né tou, um pakahtotoz-Ku én ulit, pahpaan i ni Aku mahtotoz am pahwangunen né tou, ni Aku én zéi'kan mengesa-ngesa taan ni Aku é mahkari-karia si Ama' si nimatumé ni Aku.

Yohanes 8:19

Ang kuan néra wia ni Sia, “Wisa wé si Ama'-Mu?” Si Yesus mingkotla, “Ni kamu én zéi'kan mata'u ni Aku wo si Ama'-Ku. Sa kamu mata'u ni Aku, ni kamu kangkasii é mata'u si Ama'-Ku.”

Yohanes 8:26

Lakezpé' u léwo'zéi' in ikua-Ku wia ni kamu wo tumotoz ulit kaapa zéi'kan am pahwangunen niou. Taan ni Aku é mahkua uman an tinalinga-Kumé wia si Opo Empung si nimatumé ni Aku. Péléng a méikua-Na én ulit wo niitu kangkasii un ipahkua-Ku wia ni kamu im wia ung kaayahan kenu.”

Yohanes 8:42

Kuan ni Yesus wia ni séra, “Sa si Opo Empung én Ama' niou, ni kamu é marumaraaté ni Aku, pahpaan ni Aku ém wia si Opo Empung a méyé wo in tarékan ni Aku ém wia'i. Ni Aku i niméyé én zéi'kan pahpaan um paaz-Ku in esa, taan ni Siamo si nimatumé ni Aku.

Yohanes 9:29

Kata'uan nai si Opo Empung éng kimuamo wia si Musa. Taan tumoro si tou itii, zéi'kan kata'uan nai wisa Sia a méyé.”

Kisah Rasul-rasul 17:23

Pahpaan i ni aku melaé-laés wia um wanua tua'na niou kenu, ni aku nimilek um pahtunuan a raragés um pinantikan in téntii, ‘Wia si Opo Empung si zéi'kan kata'uan.’ Si Opo Empung si pahongko-ongkotan niou zozo' zéi'kan kata'uan niou itii, ni Siamo si Opo Empung ipahtutuzu'ku wia ni kamu in tarékan.

Roma 1:28

Pahpaan ni séra én zéi'mo pandung wia si Opo Empung, ni séra é méiwaya-Na i megena-genang uman an zéi'kan toro wangunen. Niitumo ni séra éng kalousna i mahwangun an zéi'kan toro wangunen.

Roma 3:4

Zéi'kan! Si Opo Empung é mangun péléng a méitaaz-Na zozo' péléng sé tou én tantowo. Pahpaan witu um Pinantik Lenas é méipantik: “Péléng a Nuwu'-Mu é mémoikatuzu'mé in ulit, wo sa ni Ko im pahtotozen ulit kaapa zéi'kan am pahwangunen, ni Ko é nimuntung.”

2 Korintus 1:18

Si Opo Empung én zéi'kan nimaliuz wana a méitaaz-Na, téntu kangkasii ni kai én zéi'kan nimaliuz wana a méitaaz nai. Niitumo, ni kai én zéi'kan mahkua ‘éné’ wo witu ung genang én ‘zéi'kan’.

2 Korintus 4:6

Im puuna si Opo Empung éng kimua in téntii, “Im witu u rimbengbeng a mondolé un ayah!” In tarékan ni Sia kangkasii si nimangun un ayah-Na mahsena' witu un atéta wo toro kata'uantala ung kawangko'an-Na. Ung kawangko'an ni Opo Empung én toro ilekenta witu ung gio ni Yesus Kristus.

Titus 1:2

An tutuzu' ulit itii én ipahtuzu' nai pahpaan ni kita mahéré'la i makailek ung katou-touan makaz ing kauré-uré. Ung katou-touan makaz ing kauré-uré itii é mémoitaaza ni Opo Empung si zéi'kan mahtowo, rengan ung kaayahan im winangun.

Ibrani 6:18

Si Opo Empung én zéi'kan mamuali in tumowo witu u méitaaz wo un tiwa'-Na. Un zua kenu én zéi'kan mamuali i mawalina, pahpaano niitu kita sé mekikelung wia ni Sia én toro maenté' wo totoz ma'éman witu um pahéré'anta.

1 Yohanes 5:10

Séi si ma'éman wia si Oki' ni Opo Empung, witu un aténa ém wéwéhano un ipahkua ni Opo Empung tumoro si Oki'-Na itii. Séi si zéi'kan ma'éman wia si Opo Empung, winangunna si Opo Empung in tantowo, pahpaan zéi'kan pa'émanenna un ipahkua ni Opo Empung tumoro si Oki'-Na.