Yohanes 7:27 - Taaz Weru Witu u Nunuwu'en Tombulu

²⁷ Tumoro si Yesus éng kata'uantamo wisa Sia a méyé, taan i si Kristus méyé, zéi'kan siapa si tou mata'u wisa Sia a méyé.”

Yohanes 7:27 Iomraidhean Croise

Markus 6:3

Zéi'kankuaa ni Sia ém bas kai uman, oki' ni Maria, wo totoz katuari ni Yakobus, Yoses, Yudas wo ni Simon? Zéi'kankuaa mahwali-wali kariata wia'i sé katuari-Na wéwéné?” Niitumo ni Sia én zéi'kan pa'émanen néra.

Lukas 4:22

Péléng sé tou é mahkua am wangun tumoro ni Sia wo mengusi-ngusingsing i mahtalinga ni Sia pahpaan um pahnuwu'en-Na ém wangun, a sé tou mahligau, “Zéi'kankuaa ni Sia si oki' ni Yusuf?”

Yohanes 6:42

Kuan néra, “Zéi'kankuaa ni Sia é si Yesus, oki' ni Yusuf, si ina' wo ama'-Na éng kata'uanta? Kura kahuman Sia mahkua, ni Sia én timumpamé im witi kasendukan?”

Yohanes 7:15

Sé tonaas né tou Yahudi é mengompo' a mahkua, “Ni Sia én zéi'kan pinahtuzu-tuzu'la, taan kaa kahuman wékalakez ung kata'uan-Na?”

Yohanes 9:29

Kata'uan nai si Opo Empung éng kimuamo wia si Musa. Taan tumoro si tou itii, zéi'kan kata'uan nai wisa Sia a méyé.”

Kisah Rasul-rasul 8:33

Ni Sia ém pahséro'an, wo pahwangunan a mahsanaweka. Séi sé masumirita tumoro sé suzu-Na? Pahpaan ni Sia én zéi'mo wia ung kaayahan.’