Yohanes 7:26 - Taaz Weru Witu u Nunuwu'en Tombulu

²⁶ Taan ilekena, zéi'kan siapa sé siméro'la ni Sia i mahnuwu' wia sé tou wo zéi'kan siapa u méipahkukua nérama wia ni Sia. Woo katu' uli-ulit kata'uano né tonaasta i ni Siamo si Kristus?

Yohanes 7:26 Iomraidhean Croise

Matius 22:16

An iatu nérama sé woopira pahtuzu'en néra wo sé woopira tou mahkii-kiit si kolano Herodes mangé wia si Yesus i lumigau, “Méster, kata'uan nai, ni Ko én zéi'kan mahtowo wo ulit i mahtuzu' u lalan ni Opo Empung. Wo zéi'kan siapa sé ikaindé'-Mu pahpaan ni Ko zéi'kan mahsanaweka.

Lukas 23:13

A réwokené ni Pilatus sé tonaas né walian, sé tonaas wo sé tou lakez.

Lukas 7:30

Taan sé wia sé sana réwok tou Farisi wo sé tou tulap un Torat é soo ung ginenang ni Opo Empung witu ung katou-touan néra, pahpaan ni séra é soo i saranin ni Yohanes.

Yohanes 12:42

Zozo' in téntu, im wia sé tonaas né tou Yahudi é lakez kangkasii sé ma'éman wia si Yesus. Taan ni séra é soo kumua i ni séra é ma'éman wia ni Sia, pahpaan ni séra é maindé' wia sé sana réwok tou Farisi sé toro suméro' ni séra i muntep witu um Walé pahragésan né tou Yahudi.

Yohanes 18:20

A sia wingkotela ni Yesus, “Zéi'kan siapa an ipahwuni-wuni-Ku i mahnuwu'ma wia sé tou lakez. Sekezé ni Aku é mahtuzu' wana am walé peraragésan né tou Yahudi wo witi Walé ni Opo Empung, witi peréréwokan péléng né tou Yahudi. Ni Aku zéi'kan kawisa mahwuni-wuni i mahnuwu'ma.

Yohanes 3:1

Wéwéhan si esaané im wia sé sana réwok tou Farisi makangaran Nikodemus, ni sia én tonaas um pa'émanen né Yahudi.

Yohanes 4:29

“Méyémo, méileken si tou si kimua wia ni aku péléng a nimualikumola. Woo ni Siamo si Kristus?”

Yohanes 7:25

A sé woopira tou Yerusalem mahkua, “Zéi'kankuaa si tou kenu si pahtututu'en im wunu'en né tonaasta?

Yohanes 7:31

Taan im wia sé tou lakez itii lakez sé ma'éman wia ni Sia wo mahkua, “I si Kristus méyé, apa Sia toro mangun a makakompo'en lumakezpé'mé a makakompo'en winangun ni Tou kenu?”

Yohanes 7:48

Wéwéhan wé si esaané im wia sé tonaas kaapa si esaané im wia sé sana réwok tou Farisi ma'éman ni Sia?

Yohanes 9:22

Sé tu'ana kimuala téntu, pahpaan ni séra é maindé' wia sé tonaas né tou Yahudi. Pahpaan sé tonaas né tou Yahudi é nimaesaanola i sé tou mahkua si Yesus é Mesias, ni séra én zéi'mo mata'u muntep witi walé peraragésan né tou Yahudi.

Kisah Rasul-rasul 4:13

Sé tou méikauntep witu u Mahkama Agama é mengusi-ngusingsing i nimilekla si Petrus wo si Yohanes zéi'kan maindé' i mahwingkoté wo ni séra kasii é mata'u i ni séra zua én tou kanaramen wo zéi'kan simikola. Kinata'uan néra kasiila i ni séra zua é mahkii-kiit si Yesus.

Filipi 1:14

Wo pahpaan ni aku im binui, nimangun lakez sé katuari esa pa'émanen éng kaenté'namo um pa'émanen néra wo kawuayana wo zéi'mo maindé' i mahwoka' u Nuwu' ni Opo Empung.