Yohanes 7:23 - Taaz Weru Witu u Nunuwu'en Tombulu

²³ In tarékan sa si tou toro sunaten im witu un endo Sabat, wo ni kamu zéi'kan mahsaru un ukum ni Musa, kaa kamu maupi' i ni Aku limé'osa u saki witu péléng un awak ni tou im witu un endo Sabat?

Yohanes 7:23 Iomraidhean Croise

Matius 12:10

Im witu ém wéwéhan si tou u lengenna kasaru é lailai. Sé woopira im wia sé sana réwok tou Farisi meligau wia ni Sia, “Toro wé i lumé'os si tou witu un endo Sabat?” Ni séra meligau téntu wo séra toro mapahsasala' ni Sia.

Matius 12:2

Mileka niitu, sé sana réwok tou Farisi kumuama wia si Yesus, “Ilekena! Sé pahtuzu'en-Nu é mahwangun an zéi'kan toro pahwangunen witu un endo Sabat.”

Matius 12:5

Kaapa zéi'kampé' binaca nioula witu ung kitap Torat wé sa sé walian én zéi'kan mahlé'os an tinotoz tumoro un endo Sabat witu um Walé ni Opo Empung im witu un endo Sabat, taan ni séra én zéi'kan simala'?

Yohanes 5:10

Pahpaano niitu sé tonaas né tou Yahudi kimuama wia si tou taré malé'osa itii, “In tarékan én endo Sabat, ni ko én zéi'kan toro ménét un tepéhmu.”

Yohanes 7:21

Kuan ni Yesus wia ni séra, “Esa uman u makakompo'en winangun-Kula im witu un endo Sabat wo ni kamu péléng é mengompo'mo.

Yohanes 9:16

Ang kuan né woopira im wia sé sana réwok tou Farisi itii, “Si tou nimangun niitu én zéi'kan wia si Opo Empung a méyé, pahpaan ni Sia én zéi'kan mahtali-talinga an tinotoz tumoro un endo Sabat.” Taan sé walina mahkua, “Sa Sia tou mahsingkéla', kura kahuman Sia toro mangun u makakompo'en tanu niitu?” A séra rengan i mahéndo-éndoan.