Yohanes 7:19 - Taaz Weru Witu u Nunuwu'en Tombulu

¹⁹ Zéi'kankuaa si Musa é niméhémo un ukum Torat wia ni kamu? Taan zéi'kan siapa zozo' in esa im wia ni kamu si mahwangun un ukum Torat itii. Kaa kamu mahtututu' i munu' ni Aku?”

Yohanes 7:19 Iomraidhean Croise

Matius 12:14

A mondola sé sana réwok tou Farisi itii a mahesaala i munu' ni Sia.

Matius 21:38

Taan i si oki' ni makauma niileka né mememendu itii, a séra mahkua si esa im wia sé walina, ‘Si kenumo si maéndo makaanu un uma kenu, wunu'entamo sia, wo un uma kenu é maéndo anuta.’

Markus 11:18

U nimamualima itii éng kinatalingaala né tonaas né walian wo né tou tulap un Torat. A séra mahtututu' i munu' ni Sia. Ni séra é maindé' ni Sia pahpaan nimilekla im péléng sé tou ém paaz an tutuzu'-Na.

Markus 3:4

A Sia kumuala wia sé tou witu, “Wisa un toro wangunen witu un endo Sabat? Mangun u lé'os kaapa u léwo'? Tumulung si tou wo menou-nou kaapa munu' si tou?” Taan ni séra é memene-menes uman.

Markus 3:6

Sé tou im wia sé sana réwok tou Farisi mondolé im witu, a séra rengan i mahesaala karia né mahkii-kiit si kolano Herodes i mahwuwunu' si Yesus.

Yohanes 1:17

Pahpaan un ukum Torat é méiwéhé mengiité si Musa, taan ung kamang tatambér wo ung kaulitan é méyé mengiité si Yesus Kristus.

Yohanes 10:39

Makasapé' kasii ni séra i mahtition ni Sia, taan ni Sia én zéi'kan kinationan néra.

Yohanes 11:53

Rengané in endo itii sé tonaas né tou Yahudi nimaesaan i munu' ni Sia.

Yohanes 5:16

Niitumo, sé tonaas né tou Yahudi mahtututu' in zumézéha si Yesus, pahpaan si tou itii liné'os-Na in endo Sabat.

Yohanes 5:18

Pahpaano niitu sé tonaas né tou Yahudi én totoz mahtututu' i munu' si Yesus, zéi'kan uman pahpaan ni Sia i simala'mola wana an tinotoz witu un endo Sabat, taan kangkasii pahpaan ni Sia ing kimua i si Opo Empung én Ama'-Na wo karia in téntu pinasuat-Namola un tou-Na karia si Opo Empung.

Yohanes 5:45

Ni kamu én tia'mo mahgenangla i ni kamu ém papahsasala'-Ku witu u sinaru ni Ama'. Si mapahsasala' ni kamu é si Musa, ni sia si niéré'an niou.

Yohanes 7:1

Tumondongla niitu si Yesus mahliklik ung Galilea. Ni Sia é soo lumiklik u Yudea pahpaan sé tonaas né tou Yahudi witu é mahtututu' i munu' ni Sia.

Yohanes 7:25

A sé woopira tou Yerusalem mahkua, “Zéi'kankuaa si tou kenu si pahtututu'en im wunu'en né tonaasta?

Kisah Rasul-rasul 7:38

I sé tou Israel witi tana' kapelasan, si Musa kenumo si mahwali-wali karia néra. Ni sia si mahkua wia sé nimaopota u Nuwu' ni Opo Empung u méikuamé né malaekat im witi Kentur Sinai. Ni sia kasii si nimakaileké u Nuwu' ni Opo Empung u mahwéhémé ung katou-touan in ipapaayo wia ni kita.

Galatia 3:19

Sa téntu, apa wé un torona un ukum Torat i méiwéhémé? Un ukum Torat é méiawes i mapata'u wia sé tou a singkéla' pahmualin néra. Un ukum Torat itii ém pahpakén akaz uman i méyé si suzu ni Abraham si méikua witu un taaz ni Opo Empung wia si Abraham. Un ukum Torat itii é méikua né malaekat mengiité si Musa wia sé tou Israel.

Galatia 6:13

Pahpaan sé sinunato itii, ni séra kangkasii én zéi'kan makawawa ing kumiit péléng a méipantik wana un ukum Torat. Taan kapaaz néra, ni kamu é sunaten wo séra mahloo-looz i milek ni kamu mahkiit a méipantik wana un ukum Torat.