Yohanes 7:18 - Taaz Weru Witu u Nunuwu'en Tombulu

¹⁸ Si tou si mahnuwu' karia ung genangna in esa, ni sia é menéro uman u sisigi'an witu un touna in esa, taan si tou mahpenéro u sigi' wia si Opo Empung si nimatumé ni sia, ni sia én ulit wo im wia ni sia én zéi'kan siapa an towo.

Yohanes 7:18 Iomraidhean Croise

Matius 6:9

Pahpaano niitu, sa kamu mengaléi, mengaléiola tanu ang kenu, Ama' nai witi kasendukan, u ngaran-Mu é lenasen,

Yohanes 11:4

Taan in timalingama u méikuamé itii, Sia kimua, “U saki itii én zéi'kan mangun ni sia i maté. Niia nimamuali wo si Opo Empung loozen wo sigi'en wo pahpaan u saki itii si Oki' ni Opo Empung é loozen wo sigi'en.”

Yohanes 12:28

Ama', ituzu'mé ung kawangko'an-Nu!” An talingané u nuwu' witi kasendukan a méyé, “Ni Aku én timuzu'mo ung kawangko'an-Ku. Wo ni Aku kasii é matumuzu' ung kawangko'an-Ku sumaup.”

Yohanes 12:43

Pahpaan u lolooz né toupé' ung kapaaz néra taan u lolooz ni Opo Empung.

Yohanes 5:41

Ni Aku én zéi'kan menéro u sisigi'an né tou.

Yohanes 8:54

A si Yesus mingkotla, “Sa ni Aku mahsigi' wo mahlooz uman un tou-Ku in esa, u sigi' wo u looz itii én zéi'kan siapa torona. Si mahsigi' wo mahlooz ni Aku é si Ama'-Ku, si pahkuan niou in Opo Empung niou.

1 Tesalonika 2:6

Ni kai kasii én zéi'kan kawisa i menéro u lolooz né tou, im wia ni kamu kaapa im wia sé tou walina. Un ulitna, in aatu ni Yesus Kristus, ni kai én toro mahaléi apa uman wia ni kamu, taan ni kai é soo un téntu.

1 Petrus 4:11

Sa wéwéhan tou tinambéran i mahkua u Nuwu' ni Opo Empung wia sé tou, ni sia é léwo'zéi' mahnuwu' mahkiit u Nuwu'-Na. Wo sa wéwéhan si tinambéran i sumawang sé kasuat tou, pahwangunennala niitu karia ung ketez méiwéhémé ni Opo Empung wia ni sia. Niitumo, wangunen nioula lumé'o-lé'os an tatambér itii wo sé tou lumooz wo sumigi' si Opo Empung. Karia in téntu si Opo Empung é loozen wo sigi'en wana péléng am péléng mengiité si Yesus Kristus. Ni Siamo si mahkawasa wo wangun i sigi'en wo loozen makaz ing kauré-uré. Amin.

1 Yohanes 2:29

Sa kata'uan niouo i si Opo Empung én ulit, ni kamu kasii é léwo'zéi' i mata'u im péléng sé tou mahwangun ang kaulitan én oki'-Na.