Yohanes 7:17 - Taaz Weru Witu u Nunuwu'en Tombulu

¹⁷ Si tou paaz mahwangun um paaz ni Opo Empung, ni sia é mata'u an tutuzu' itii ém wia si Opo Empung a méyé kaapa nuwu'-Ku uman in esa.

Yohanes 7:17 Iomraidhean Croise

Matius 6:22

Kuano kasii ni Yesus, “Um weren én tanu u solo witu un tou. Sa um werenmu ém wangun, péléng un toumu én ayah.

Lukas 8:15

A méikagogoma witu un tana' rembuz, ung kalakoana é sé tou timalingama u Nuwu' ni Opo Empung, totoz winéhan néra genang akaz nimahmut witu un até lé'os néra wo ni séra zéi'kan mazéi' i memangu-mangun u Nuwu' ni Opo Empung itii.”

Yohanes 3:21

Taan péléng sé tou mahwangun an ulit é méyé witu u sena' itii, pahpaan u sena' itii é mangun am pahwangunen néra a mengiit um paaz ni Opo Empung kaile-ilekan.”

Yohanes 8:43

Ni kamu zéi'kan makatulap an ipahkua-Ku pahpaan ni kamu é soo tumalinga an ipahkua-Ku.

Yohanes 8:44

Si ama' niou é si tonaas né sétang wo ni kamu ém paaz mahwangun ang kapaaz ni ama' niou. Rengané im puuna ni sia é mahwunu' sé tou wo ni sia én zéi'kan kawisa mahwangun an ulit. Pahpaan, ni sia zéi'kan kawisa kumuala an ulit. I ni sia mahtowo, un ipahkuana ém witu un aténa a méyé, pahpaan ni sia én tantowo wo ama' péléng né tantowo.

Yohanes 8:47

Séi uman si wia si Opo Empung a méyé, ni sia é mahtalinga u nuwu' ni Opo Empung. Taan ni kamu én zéi'kan wia si Opo Empung a méyé, pahpaano niitu ni kamu soo tumalinga u nuwu' ni Opo Empung.”

Kisah Rasul-rasul 17:11

Um pakahgena-genang né tou Yahudi witi Berea é lumé'ospé'mé sé tou Yahudi witi Tesalonika. Ni séra én totoz paaz i mahtalinga u Nuwu' ni Opo Empung itii. Wo sekez in endo ni séra é mahtata'u am pinantik witu um Pinantik Lenas i mahtata'u sa péléng am pahtuzu' ni Paulus én ulit kaapa zéi'kan.