Yohanes 7:16 - Taaz Weru Witu u Nunuwu'en Tombulu

¹⁶ Si Yesus nimingkotla wia ni séra, “Am pahtuzu'-Ku én zéi'kan tutuzu'-Ku in esa, taan tutuzu' ni nimatumé ni Aku.

Yohanes 7:16 Iomraidhean Croise

Yohanes 14:10

Zéi'kan pa'émanennu wé i ni Aku é nimaesa karia ni Ama' wo si Ama' é nimaesa karia-Ku? A méikua-Kuma wia ni ko én zéi'kan witu ung genang-Ku a mangé, taan wia si Ama' si nimaesa karia-Ku a mangé, ni Siamo si mahwangun péléng am pahpaayangen-Na.

Yohanes 14:24

Séi uman si zéi'kan rumaraaté ni Aku, si tou itii én zéi'kan mahwangun a nuwu'-Ku. Wo a nuwu' tinalinga niou itii én zéi'kan wia ni Aku a mangé, taan wia si Ama' si nimatumé ni Aku a mangé.

Yohanes 17:14

Ni Aku éng kimuamoma u nuwu' ni Ama' wia sé pahtuzu'eng-Ku, niitumo sé tou wia ung kaayahan kenu é mazi'zis ni séra pahpaan ni séra én zéi'kan masuat karia né tou wia ung kaayahan kenu sé zéi'kan ma'éman. Ni Aku kangkasii én zéi'kan masuat karia né tou wia ung kaayahan kenu.

Yohanes 17:8

Pahpaan péléng a méinuwu' ni Ama' wia ni Aku é méikua-Kumola wia ni séra wo ni séra én timalingamo wo ma'émano niitu. Ni séra é mata'umo i ni Aku én uli-ulit wia si Ama' a méyé wo ni séra é ma'éman i si Ama' si nimatumé ni Aku.

Yohanes 3:11

Uli-ulit ikua-Kuma wia ni ko, ni kai é mahnuwu'ma tumoro ang kata'uan nai wo ni kai é mahkua tumoro a niilek nai, taan ni kamu soo ma'éman an ipahkua nai.

Yohanes 3:31

Ni Sia si witi kasendukan a méyé é lumouspé'mé ung kawangko'an péléng né tou, taan ni sia si wia ung kaayahan a méyé én tou wia ung kaayahan wo mahkua tumoro a mahmuali wia ung kaayahan kenu. Ni Sia si witi kasendukan a méyé é lumouspé'mé ung kawangko'an péléng né tou.

Yohanes 5:30

Zéi'kan siapa un toro wanguneng-Ku ikiit um paaz-Ku in esa. Ni Aku i mahtotoz am pahwangunen né tou in ulit kaapa zéi'kan é mengiit an tinalinga-Ku wia si Ama'. Wo ni Aku én zéi'kan mahsanaweka i mahtotoz am pahwangunen né tou ulit kaapa zéi'kan, pahpaan ni Aku én zéi'kan mahkiit um paaz-Ku in esa taan mahkiit uman um paaz ni Ama' si nimatumé ni Aku.

Yohanes 6:44

Zéi'kan siapa zozo' in esa si toro méyé wia ni Aku, sa sia zéi'kan ipahwalimé ni Ama' si nimatumé ni Aku. Wo si tou niméyé wia ni Aku én itou-Ku sumaup im wia sé nimaté im witu un endo kaakazan ung kaayahan.

Yohanes 8:28

A si Yesus kumuama wia ni séra, “I ni kamu timoozola si Oki' ni Tou, taré kamu mata'u i ni Akumo Sia si méipahkua-Kula. Wo ni kamu é mata'u im péléng am pahwanguneng-Ku én zéi'kan pahwanguneng-Ku mengiit um paaz-Ku in esa. Taan ni Aku mémahkua umana a méituzu' ni Ama'-Ku wia ni Aku.

2 Yohanes 1:9

Si tou zéi'kan mahkiit an tutuzu' ni Kristus ang kumiitla an tutuzu' walina, ni sia én zéi'kan makaanu si Opo Empung. Séi si mahkiit an tutuzu' ni Kristus, ni sia é makaanu si Ama' wo si Oki'.

Wahyu 1:1

A méipantik witu um pinantik kenu én tumoro a méipapailek ni Yesus Kristus, a méiwéhé ni Opo Empung wia ni Sia in ipapata'u wia sé ata-Na wo séra toro mata'u an totoz i mamuali. Si Yesus Kristus é nimapaileko niana péléng wia si Yohanes ata-Na, mengiité si malaekat méiatu-Na.