Yohanes 7:12 - Taaz Weru Witu u Nunuwu'en Tombulu

¹² Lakez sé tou mahkekewitan tumoro ni Sia. Wéwéhan sé mahkua: “Ni Sia én tou lé'os.” Wéwéhan kasii sé mahkua: “Zéi'kan, ni Sia é mahlululu uman sé tou lakez.”

Yohanes 7:12 Iomraidhean Croise

Matius 10:25

Sa si pahtuzu'en masuato wo si mésterna, niitu én toromo wo sa si ata masuato wo si tuangna, niitu én toromo. Sa si makawalé ém pahkuan im Beelzebul, apapé' kasii sé tou witu um walé itii.

Matius 21:46

Niitumo, ni Sia ém pahtututu'en néramo im pahtitionan, taan ni séra é maindé' sé tou lakez, pahpaan si Yesus ém pahgenangela né tou lakez i nabi.

Matius 27:63

ang kuan néra, “Tuang, kinagenangan naila i si tantowo itii i menou-noupé' éng kimua, ‘Kumawusa un teluna endo ni Aku é matou sumaup.’

Lukas 18:19

A si Yesus mingkotla: “Kaa pahkuanu ni Aku é lé'os? Akaz uman si Opo Empung si lé'os, zéi'kan siapa walina.

Lukas 23:47

I si tonaas né sana atus suraro nimilek a nimamuali, a sia mahlooz wo mahsigi' si Opo Empung, kuana, “Totoz ulit, si Tou kenu én zéi'kan siapa sinala'!”

Lukas 23:50

Wéwéhan si makangaran Yusuf, si esaané im wia sé Mahkama Agama. Ni sia én tou mahwangun a lé'os wo an ulit.

Lukas 6:45

Si tou lé'os é mahnuwu'mé am wangun a mahondolé witu un aténa u mawuta-wuta am wangun. Wo si tou léwo' é mahnuwu'mé a léwo'an a mahondolé witu un aténa u mawuta-wuta a léwo'an. Pahpaan am pahnuwu'ennu é mahondolé witu un atému.”

Lukas 7:16

Péléng sé tou witu é maindé' a mahsigi' wo mahlooz si Opo Empung. Ni séra é mahkua, “Si Opo Empung é nimatumomé si nabi wangko' i mémahwali-wali kariata! Si Opo Empung é niméyémo i mésumawang sé tou-Na!”

Yohanes 6:14

I niilekla né tou itii u makakompo'en winangunla ni Yesus, ni séra mahkua, “Ni Sia én uli-ulit Nabi si méitaaz ni Opo Empung i méyé wia ung kaayahan kenu.”

Yohanes 7:32

Sé sana réwok tou Farisi mahtalinga sé tou lakez mahkekewitan tumoro si Yesus. Pahpaano niitu sé tonaas né walian wo sé sana réwok tou Farisi nimatuma sé menénéiz um Walé ni Opo Empung in tumion ni Sia.

Yohanes 7:47

A sé sana réwok tou Farisi mingkotla, “Apa ni kamu kangkasii é méilulu-Namomé?

Yohanes 7:52

Wingkoten nérala, “Apa ni ko kangkasii én tou Galilea? Pahtata'ula um Pinantik Lenas wo makata'uannu in zéi'kan siapa si nabi witi Galilea a méyé.” [

Yohanes 9:16

Ang kuan né woopira im wia sé sana réwok tou Farisi itii, “Si tou nimangun niitu én zéi'kan wia si Opo Empung a méyé, pahpaan ni Sia én zéi'kan mahtali-talinga an tinotoz tumoro un endo Sabat.” Taan sé walina mahkua, “Sa Sia tou mahsingkéla', kura kahuman Sia toro mangun u makakompo'en tanu niitu?” A séra rengan i mahéndo-éndoan.

Kisah Rasul-rasul 11:24

Pahpaan si Barnabas itii én tou totoz lé'os, ni sia én totoz kinawasa ni Roh Lenas wo totoz ma'éman wia si Mahpiara, niitumo lakez sé tou timalinga ni sia é nima'éman wia si Mahpiara.

Roma 5:7

Pahpaan zéi'kan meripu' umané si tou im paaz maté i sumawel si tou ulit. Taan wia si tou lé'os uman ém woo wéwéhan si tou paaz maté i sumawel ni sia.

Filipi 2:14

Pahpaayangela péléng am péléng karia in zéi'kan menembu-nembut wo mahéndo-éndoan.