Yohanes 7:1 - Taaz Weru Witu u Nunuwu'en Tombulu

¹ Tumondongla niitu si Yesus mahliklik ung Galilea. Ni Sia é soo lumiklik u Yudea pahpaan sé tonaas né tou Yahudi witu é mahtututu' i munu' ni Sia.

Yohanes 7:1 Iomraidhean Croise

Matius 10:23

Sa kamu pahzézéhan néra witi wanua tua'na esa, tumingkasoma witi wanua tua'na walina. Pahpaan uli-ulit ikua-Kuma wia ni kamu: Puunala péléng am wanua tua'na witi Israel pakaangéan nioué, si Oki' ni Tou é niméyémo sumaup.

Matius 21:38

Taan i si oki' ni makauma niileka né mememendu itii, a séra mahkua si esa im wia sé walina, ‘Si kenumo si maéndo makaanu un uma kenu, wunu'entamo sia, wo un uma kenu é maéndo anuta.’

Markus 11:18

U nimamualima itii éng kinatalingaala né tonaas né walian wo né tou tulap un Torat. A séra mahtututu' i munu' ni Sia. Ni séra é maindé' ni Sia pahpaan nimilekla im péléng sé tou ém paaz an tutuzu'-Na.

Yohanes 1:19

Téntii u méiwingkot ni Yohanes Menanarani im wia sé woopira walian wo sé suzu ni Lewi, sé méiatumé né tonaas né tou Yahudi sé witi Yerusalem, i meligau, “Séi ndéén ko wé?”

Yohanes 4:3

A Sia mondolé im witi Yudea a mawurima sumaup witi Galilea.

Yohanes 4:54

Niitu u makakompo'en kazua um winangun ni Yesus witi Galilea i ni Sia nimawurimé im witi Yudea.

Yohanes 6:1

Tumondong niitu si Yesus mangé witi leweta u Louz Galilea um pahkuan kangkasii Louz Tiberias.

Yohanes 7:11

Sé tonaas né tou Yahudi menéro-néro ni Sia im witi pésta itii a mahkua, “Wisa Sia?”

Yohanes 7:13

Taan zéi'kan siapa zozo' in esa si wuaya ing kumua tumoro ni Sia witu u sinaru né tou lakez, pahpaan ni séra é maindé' wia sé tonaas né tou Yahudi.

Yohanes 7:19

Zéi'kankuaa si Musa é niméhémo un ukum Torat wia ni kamu? Taan zéi'kan siapa zozo' in esa im wia ni kamu si mahwangun un ukum Torat itii. Kaa kamu mahtututu' i munu' ni Aku?”

Yohanes 7:25

A sé woopira tou Yerusalem mahkua, “Zéi'kankuaa si tou kenu si pahtututu'en im wunu'en né tonaasta?

Yohanes 7:35

Niitumo, sé tonaas né tou Yahudi é mahkukuaan wia si esa wo si esa, “Wisa un angéan-Na taka-takazan ni kita én zéi'kan mata'u mahilekan karia-Na? Apa Sia mangé wia sé tou Yahudi witi séngkotan sé mahento' wia sé tou Yunani in tumuzu' sé tou Yunani?

Yohanes 8:37

“Kata'uang-Ku ni kamu é suzu ni Abraham, taan ni kamu é mahtututu' i munu' ni Aku, pahpaan ni kamu soo sumungkul a nuwu'-Ku.

Yohanes 8:40

Ni Aku é mahkuama wia ni kamu ung kaulitan tinalingakumé wia si Opo Empung, taan ni kamu é mahtututu' i munu' ni Aku. Si Abraham én zéi'kan mahwangun tanu um pahwangunen niou.

Kisah Rasul-rasul 10:38

Kata'uan niouo tumoro si Yesus tou Nazaret. Ni Sia ém winéhan ni Opo Empung si Roh Lenas wo ung kawasa-Na. A Sia lumampang mahliklik wo mahwangun a lé'os wia sé tou wo mahlé'os péléng sé tou sinelazan ni tonaas né sétang pahpaan si Opo Empung é memali-mali karia-Na.