Yohanes 6:71 - Taaz Weru Witu u Nunuwu'en Tombulu

⁷¹ Si pahkuan-Nala é si Yudas, oki' ni Simon Iskariot, pahpaan ni siamo si nimangkér si Yesus, zozo' ni sia én esaané wia sé mapulu' wo zua pahtuzu'en itii.

Yohanes 6:71 Iomraidhean Croise

Matius 10:2

A ngaran né mapulu' wo zua pahtuzu'en-Na itii é: Si kataré é si Simon si pahkuan kangkasii im Petrus wo si Andreas katuarina, si Yakobus wo si Yohanes sé oki' ni Zebedeus,

Matius 10:4

si Simon si wia sé sana réwok tou Zelot wo si Yudas Iskariot si ing kamurian nimangkér si Yesus.

Markus 14:10

A si Yudas Iskariot, si esaané im wia sé mapulu' wo zua pahtuzu'en ni Yesus, mangé wia sé tonaas né walian karia ung genang i mayo si Yesus wia ni séra.

Yohanes 12:4

Taan si Yudas Iskariot, si esaané im wia sé pahtuzu'en ni Yesus, si mamangkér si Yesus, mahkua,

Yohanes 13:2

I si Yesus wo sé pahtuzu'en-Na mahkan mahwali-wali, si tonaas né sétang éng kimewitoma ung genang léwo' witu un até ni Yudas Iskariot, si oki' ni Simon, i mangkér ni Sia wia sé kakoro'-Na.

Yohanes 13:26

A si Yesus mingkotla, “Si tou itii é si tou wéhang-Ku u roti méisousou-Kumo.” Makakuala niitu a Sia sumousoua u roti itii an iwéhé-Nama wia si Yudas, si oki' ni Simon Iskariot.

Yohanes 2:2

Si Yesus wo sé pahtuzu'en-Na kangkasii éng kinua i mangé witi pésta kawéng itii.

Yohanes 20:24

Taan si Tomas, si esaané im wia sé mapulu' wo zua pahtuzu'en ni Yesus, si pahkuan Didimus, zéi'kan mahwali-wali karia néra i si Yesus niméyé witu.

Yohanes 6:64

Taan im wia ni kamu ém wéwéhan sé zéi'kan ma'éman.” Pahpaan rengané ing kataré-taré éng kata'uano ni Yesus, séi sé zéi'kan ma'éman wo séi si mamangkér ni Sia.

Yohanes 6:70

Kuan ni Yesus wia ni séra, “Zéi'kankuaa ni Aku si niméléng ni kamu sé mapulu' wo zua? Taan, si esaané im wia ni kamu é sétang.”

Kisah Rasul-rasul 2:23

Si Yesus si méiayola ni Opo Empung wia ni kamu mengiit un tinotoz wo ung ginenang-Na é sinalip wo winunu' niouola, mengiité sé tou sé mahsaru si Opo Empung.

Yudas 1:4

Pahpaan mémoikatuzu'mé im wéwéhano sé tou mahwuni-wuni kimariala ni kamu. Ni séra én urémo tinotoz in ukumen. Ni séra é sé tou zéi'kan pandung si Opo Empung wo mahséa' u raraatéan-Na, wo séra toro menou-nou mengiit u lelo léwo' un awak. Ni séra kasii é soo makaulit i si Yesus Kristus si Mahkawasa wo si Mahpiarata én esa uman.