Yohanes 6:63 - Taaz Weru Witu u Nunuwu'en Tombulu

⁶³ Si Roh ni Opo Empung si mahwéhémé ung katou-touan, ung kaenté'an ni tou én zéi'kan siapa torona. A nuwu' méikua-Kuma wia ni kamu é nuwu' ni Roh ni Opo Empung u mahwéhémé ung katou-touan.

Yohanes 6:63 Iomraidhean Croise

Yohanes 5:21

Pahpaan tanu si Ama' én tumou sumaup sé tou nimatémo wo méhé wia ni séra ung katou-touan, téntu kangkasii si Oki' é méhé ung katou-touan wia si séi uman si kapaaz-Na.

Yohanes 6:68

Wingkotela ni Simon Petrus wia ni Sia, “Tuang, séipé' si angéan nai? U nuwu'-Mu é mahwéhémé ung katou-touan makaz ing kauré-uré;

Kisah Rasul-rasul 5:20

“Mangémo, marumendaila witi lésaz um Walé ni Opo Empung wo iwoka'la wia sé tou lakez u nuwu' tumoro ung katou-touan weru itii.”

Roma 10:17

Niitumo, sé tou é ma'éman pahpaan timalinga, wo an tinalinga itii é Nuwu' tumoro si Kristus.

Roma 2:25

U sunat ém wéwéhan torona sa kita in tou Yahudi mahkiit un ukum Torat. Taan, sa zéi'kan mahkiit un ukum Torat, im witu u sinaru ni Opo Empung ni kita én tanumokan sé tou zéi'kan Yahudi wo um pahsunaten én zéi'kan siapa torona.

Roma 8:2

Pahpaan si Roh ni Opo Empung si nimangun ung katou-touanta nimaesa karia ni Kristus Yesus si nimilotomé ni kita im witu un ukuman wana a singkéla' u nimahalimé um patéan.

1 Korintus 15:45

Tanu u méipantik witu um Pinantik Lenas in téntii, “Si Adam é si tou kataré winangun ni Opo Empung a sia wéhan-Na ung katou-touan.” Taan si Adam totoz kamurian é si Kristus. Ni Sia é si Roh si mahwéhé ung katou-touan wia sé tou.

Galatia 5:25

Sa ung katou-touanta é mahkiito um paaz ni Roh Lenas, iwéhéla ung katou-touanta im pahtu'tul ni Roh Lenas.

Galatia 5:6

Pahpaan sinunat kaapa zéi'kan sinunat é masuat uman im wia sé tou sé nimaesamo karia ni Kristus Yesus. Un totoz ipahpuu-puuna é ma'éman si Kristus Yesus un toro pa'ileken karia i rumaraaté sé tou walina.

Galatia 6:15

Pahpaan sinunat kaapa zéi'kan sinunat én zéi'kan siapa torona, taan um wéwéhan torona éng katou-touan weru um wia si Opo Empung a méyé.

1 Tesalonika 2:13

Wéwéhan kasii u nimangun ni kai zéi'kan kumana' i mahkua u makasé wia si Opo Empung, pahpaan i ni kai mahwoka'mé u Nuwu' ni Opo Empung wia ni kamu, ni kamu é simungkul u Nuwu' itii zéi'kan tanu u nuwu' um wia si tou a méyé, taan u Nuwu' um wia si Opo Empung a méyé. U Nuwu' itii én uli-ulit wia si Opo Empung a méyé, ung karegas i mahpaayang wia ni kamu in tou ma'éman.

1 Timutius 4:8

I mahnanaram un awak wo enté' ém wéwéhan un torona taan toyo' uman. Taan i mahnanaram un tou i mahragés wia si Opo Empung ém wéwéhan torona im wana am péléng, pahpaan niitu é mahalimé ung kamang witu ung katou-touan in tarékan wo in tumondong.

Ibrani 13:9

Tia' kamu mahkiit péléng an tutuzu' a nimahwali-walinaan an zéi'kan siapa kaulitan mengiit u Nuwu' Lé'os tumoro si Yesus, an ipahtuzu' né tou walina an toro mangun ni kamu ikalulu. Un atéta é léwo'zéi' nienté' karia ung kamang méitambér ni Opo Empung, pahpaan niitumo um wangun, zéi'kan karia an tinotoz tumoro ang kakanen an zéi'kan siapa torona im wia ni séra sé mahkiit niitu.

Ibrani 4:12

Pahpaan u Nuwu' ni Opo Empung é mahwéhé ung katou-touan wo mahkawasa wo totoz tewel, lumousé um pisou tewel zua masaru, sa iwetuma én toro muntep makaz witu un tampa totoz lalem taka-takazan un asengan wo si roh én toro matampasan, téntu kangkasii am wukuna an zuhi wo am witu un untep an zuhi én toro matampasan. U Nuwu' itii kangkasii é makawawa in tumotoz ulit kaapa zéi'kan am witu ung genang né tou wo am paaz un até ni tou.

Yakobus 1:18

Witu um paaz-Na in esa, ni Sia nimangun ni kita nimaéndo oki'-Na mengiité u nuwu' kaulitan. Winangun-Na téntu wo kita maéndo wua'na kataré im wana am winangun-Na.

1 Petrus 1:23

Pahpaan niitumo, ni kamu nimakailekola ung katou-touan weru. Ung katou-touan weru itii én zéi'kan wia si tou si toro uman maté a méyé, taan witu u Nuwu' ni Opo Empung um pa'émanenta a méyé. U Nuwu' itii é menou-nou wo memia-mia makaz ing kauré-uré.

1 Petrus 3:18

Pahpaan si Kristus kangkasii é nimaté makasa uman in ziméi' a singkéla'ta. Ni Sia si mahwangun an ulit é nimaté in timubus sé tou mahwangun an zéi'kan ulit, wo kita toro ipahwali-Na wia si Opo Empung. Ni Sia ém winunu' i ni Sia in tou uman, taan ni Sia é méitoumé sumaup ni Roh Lenas im wia sé nimaté.

1 Petrus 3:21

Un ampuhan itii én toro pasuaten karia u sasarani in tarékan un tumuzu'mé si Opo Empung nimiloté ni kamu im witu un ukuman wana a singkéla', mengiité si Yesus Kristus si méitoumomé sumaup ni Opo Empung im wia sé nimaté. Ni kamu i sinarani én zéi'kan i meresi un tou niou, taan u sasarani én tumuzu'mé i ni kamu mahaléi wia si Opo Empung i makaileké un até weresi.