Yohanes 6:59 - Taaz Weru Witu u Nunuwu'en Tombulu

⁵⁹ Péléng niia é méikua ni Yesus im witi Kapernaum i ni Sia mahtuzu' witi walé peraragésan né tou Yahudi.

Yohanes 6:59 Iomraidhean Croise

Matius 4:23

Si Yesus mahliklik wana péléng an tampa witi Galilea. Ni Sia mahtuzu' wana am walé peraragésan né tou Yahudi wo mahwoka' u Nuwu' Lé'os tumoro ung Kakolanoan ni Opo Empung wo mahlé'os péléng a saki wo a lailai né tou witu.

Lukas 4:31

A si Yesus mangé witi Kapernaum um wanua tua'na esa witi Galilea. Sekez in endo Sabat ni Sia mahtuzu' sé tou witu um walé peraragésan né tou Yahudi.

Yohanes 18:20

A sia wingkotela ni Yesus, “Zéi'kan siapa an ipahwuni-wuni-Ku i mahnuwu'ma wia sé tou lakez. Sekezé ni Aku é mahtuzu' wana am walé peraragésan né tou Yahudi wo witi Walé ni Opo Empung, witi peréréwokan péléng né tou Yahudi. Ni Aku zéi'kan kawisa mahwuni-wuni i mahnuwu'ma.

Yohanes 6:17

A séra sumakéma londéi i lumewet mangé witi Kapernaum. Un endo é rimbengbengo taan si Yesus én zéi'kampé' mahwali-wali karia néra.

Yohanes 6:24

Ing kinata'uanola né tou lakez i si Yesus wo sé pahtuzu'en-Na zéi'mo witu, sé tou itii é simakéma wana a londéi a séra mangé witi Kapernaum i menéro si Yesus.