Yohanes 6:57 - Taaz Weru Witu u Nunuwu'en Tombulu

⁵⁷ Si Ama', si nimangun sé tou i menou-nou, nimatumé ni Aku wo ni Aku menou-nou pahpaan si Ama'. Téntu kangkasii, séi uman si kuman un awak-Ku, si tou itii é mamenou-nou pahpaan ni Aku.

Yohanes 6:57 Iomraidhean Croise

Matius 16:16

A mingkotla si Simon Petrus, “Ni Komo si Mesias, Oki' ni Opo Empung si menou-nou.”

Yohanes 14:19

Zéi'mo mauréma sé tou wia ung kaayahan kenu én zéi'mo milek ni Aku. Taan ni kamu é mamilek ni Aku, pahpaan ni Aku é menou-nou wo ni kamu kangkasii é mamenou-nou.

Yohanes 14:6

Kuan ni Yesus wia ni sia, “Ni Akumo si lalan i mangé wia si Opo Empung wo mapata'u ung kaulitan tumoro si Opo Empung wo si mahwéhé ung katou-touan makaz ing kauré-uré. Zéi'kan siapa zozo' in esa si mangé wia si Ama' sa zéi'kan mengiité ni Aku.

Yohanes 17:21

Ni Aku mengaléi, wo ni séra péléng maesa, tanu si Ama' nimaesa karia-Ku wo ni Aku nimaesa karia ni Ama'. Wo ni séra kasii nimaesa karia ni Kita, wo sé tou walina wia ung kaayahan kenu ma'éman i si Ama' si nimatumé ni Aku.

Yohanes 3:17

Pahpaan si Opo Empung nimatumé si Oki'-Na wia ung kaayahan kenu zéi'kan i mémukum sé tou wia ung kaayahan, taan i milot sé tou wia ung kaayahan kenu im witu un ukuman wana a singkéla'.

Yohanes 5:26

Pahpaan tanu si Ama' si mahkawasa mahwéhémé ung katou-touan, téntu kangkasii si Ama' niméhé ung kawasa wia si Oki'-Na i mahwéhé ung katou-touan.

Yohanes 6:29

Kuan ni Yesus wia ni séra, “Ung kenumo um paayangen kapaaz ni Opo Empung: Pa'émanela Sia si méiatumé ni Opo Empung.”

Yohanes 6:38

Pahpaan ni Aku én timumpamomé im witi kasendukan zéi'kan i mangun um paaz-Ku, taan i mangun um paaz ni Opo Empung si nimatumé ni Aku.

1 Korintus 15:22

Pahpaan nimaesa karia ni Adam, péléng sé tou é mamaté, téntu kangkasii, pahpaan nimaesa karia ni Kristus, péléng sé tou én itou sumaup ni Opo Empung.

1 Korintus 15:45

Tanu u méipantik witu um Pinantik Lenas in téntii, “Si Adam é si tou kataré winangun ni Opo Empung a sia wéhan-Na ung katou-touan.” Taan si Adam totoz kamurian é si Kristus. Ni Sia é si Roh si mahwéhé ung katou-touan wia sé tou.

2 Korintus 13:4

Si Kristus én zéi'kan enté' i sinalip. Taan in tarékan ni Sia menou-nou pahpaan ung kawasa ni Opo Empung. Téntu kangkasii ni kai zéi'kan enté' tanu si Kristus im puuna, taan ni kamu é milek ni kai i menou-nou karia-Na pahpaan ung kawasa ni Opo Empung witu ung kawangunan niou.

Galatia 2:20

In tarékan, zéi'mo ni aku si menou-nou taan si Kristus si menou-nou wo mahkawasa witu ung katou-touangku. Witu ung katou-touangku wia ung kaayahan in tarékan kangkasii, ni aku é menou-nou witu um pa'émanengku wia si Oki' ni Opo Empung, si totoz rimaraatémo ni aku wo niméhémo un tou-Na in esa wia ni aku.

1 Tesalonika 1:9

Pahpaan ni sérakan sé simiritala kura kamu i simungkul ni kai wo kura kamu in timula'u sé opo-opo a menéro si Opo Empung si menou-nou wo ulit, i maayang wia ni Sia.

Ibrani 9:14

apapé' kasii un zaha' ni Kristus mengiité ung kawasa ni Roh Lenas si makaz ing kauré-uré é méiwéhé-Na in esa wia si Opo Empung i maéndo raragés zéi'kan siapa pahséro'an. Un zaha' ni Kristus itii u mangun un atéta weresi im wana am pemangu-mangunen an zéi'kan siapa torona, wo kita toro lumooz wo maayang wia si Opo Empung si menou-nou.

1 Yohanes 4:9

U raraatéan ni Opo Empung é méipapaileké wia ni kita witu ung kenu: Si Opo Empung nimatumé si Oki'-Na si esa uman i méyé wia ung kaayahan wo kita toro makailek ung katou-touan makaz ing kauré-uré mengiité si Oki'-Na itii.