Yohanes 6:56 - Taaz Weru Witu u Nunuwu'en Tombulu

⁵⁶ Séi uman si kuman un awak-Ku wo melep un zaha'-Ku, si tou itii é nimaesamo karia-Ku wo ni Aku é nimaesamo kariana.

Yohanes 6:56 Iomraidhean Croise

Yohanes 14:20

In endo itiimo ni kamu lamata'u i ni Aku é nimaesa karia ni Ama', ni kamu é nimaesa karia-Ku wo ni Aku é nimaesa karia niou.

Yohanes 14:23

Ang kuan ni Yesus, “Si tou rumaraaté ni Aku é mangun a nuwu'-Ku. Si Ama'-Ku é rumaraaté ni sia wo si Ama'-Ku wo ni Aku é méyé wia ni sia wo mento' mahwali-wali kariana.

Yohanes 6:55

Pahpaan, un awak-Ku un uli-ulit tikohon wo un zaha'-Ku un uli-ulit eelepen.

2 Korintus 6:16

Apa u masuat um witu um Walé ni Opo Empung wo um witu um walé né opo-opo? Ni kita i ma'éman ém Walé ni Opo Empung. Niitu én tanu u méipantik witu um Pinantik Lenas, in téntii, “Ni Aku é mamento' karia néra, wo menou-nou karia néra, wo ni Aku é maéndo Opo Empung néra, wo ni séra é maéndo tou-Ku.

Efesus 3:17

Pahpaan ni kamu ma'éman wia si Kristus, si Kristus é mento' witu un até niou wo u mahraa-raatéan é maéndo to'tolan wo kimawasa ung katou-touan niou.

1 Yohanes 2:24

Wo ni kamu, an tinalinga niouo rengan ing kataré-taré, niana é léwo'zéi' i memitu-mitu un até niou. Sa un tinalinga niouo rengané ing kataré-taré é memitu-mitumo un até niou, ni kamu é menou-nou nimaesa karia ni Oki' wo ni Ama'.

1 Yohanes 3:24

Séi si mahkiit peléng a méiperénta-Na, ni sia é nimaesa karia ni Opo Empung wo si Opo Empung é nimaesa kariana. Karia in téntu, ni kita én toro mata'ula i si Opo Empung é nimaesa kariata, pahpaan ni Sia én timambéromé si Roh-Na wia ni kita.

1 Yohanes 4:12

Zéi'kampé' siapa zozo' in esa si tou nimileko si Opo Empung. Sa kita mahraa-raatéan, Si Opo Empung é nimaesa kariata wo u raraatéan-Na é lekep im wia ni kita.

Wahyu 3:20

Ilekené, ni Aku é rimendaio witu u sinaru um pepenet wo mahténgkor. Sa wéwéhan tou tumalingama ni Aku i mahtawah wo mukamé um pepenet, ni Aku é muntep i mahilekan kariana wo ni Aku éng kuman mahwali-wali kariana wo ni sia éng kuman mahwali-wali karia-Ku.