Yohanes 6:54 - Taaz Weru Witu u Nunuwu'en Tombulu

⁵⁴ Séi uman si kuman un awak-Ku wo melep un zaha'-Ku, ni sia é makailek ung katou-touan makaz ing kauré-uré wo ni Aku én tumou sumaup ni séra im wia sé nimaté witu un endo kaakazan ung kaayahan.

Yohanes 6:54 Iomraidhean Croise

Yohanes 4:14

taan séi uman si melep un zano iwéhé-Ku, ni sia én zéi'mo maré'o makaz ing kauré-uré. Pahpaan un zano iwéhé-Ku é maéndo tanu ung kembu'an witu un touna u mengembu-ngembu' uman wo mahwéhé ung katou-touan makaz ing kauré-uré wia ni sia.”

Yohanes 6:27

Ni kamu én tia'mo mahpaayang i menéro an tikohon rewek maapu wo toro uman mawuul, taan maayangla i menéro an tikohon zéi'kan mawuul, a mahwéhémé ung katou-touan makaz ing kauré-uré un iwéhé ni Oki' ni Tou wia ni kamu. Pahpaan ni Siamo si winéhan kawasa ni Opo Empung, si Ama'.”

Yohanes 6:47

Uli-ulit ikua-Kuma wia ni kamu: Séi uman si ma'éman, ni sia é makaanu ung katou-touan makaz ing kauré-uré.

Yohanes 6:55

Pahpaan, un awak-Ku un uli-ulit tikohon wo un zaha'-Ku un uli-ulit eelepen.

Yohanes 6:63

Si Roh ni Opo Empung si mahwéhémé ung katou-touan, ung kaenté'an ni tou én zéi'kan siapa torona. A nuwu' méikua-Kuma wia ni kamu é nuwu' ni Roh ni Opo Empung u mahwéhémé ung katou-touan.

Galatia 2:20

In tarékan, zéi'mo ni aku si menou-nou taan si Kristus si menou-nou wo mahkawasa witu ung katou-touangku. Witu ung katou-touangku wia ung kaayahan in tarékan kangkasii, ni aku é menou-nou witu um pa'émanengku wia si Oki' ni Opo Empung, si totoz rimaraatémo ni aku wo niméhémo un tou-Na in esa wia ni aku.