Yohanes 6:53 - Taaz Weru Witu u Nunuwu'en Tombulu

⁵³ A si Yesus kumuala wia ni séra, “Uli-ulit ikua-Kuma wia ni kamu, sa ni kamu zéi'kan kuman un awak ni Oki' ni Tou wo melep un zaha'-Na, ni kamu én zéi'kan uli-ulit menou-nou.

Yohanes 6:53 Iomraidhean Croise

Matius 18:3

Ang kuan-Na, “Uli-ulit ikua-Kuma wia ni kamu, sa kamu zéi'kan tumula'ula a singkéla' niou wo maéndo tanu si koki' kenu, ni kamu én zéi'kan ikauntep witi Kakolanoan ni Opo Empung.

Matius 5:18

Uli-ulit ikua-Kuma wia ni kamu! Kauré u langit wo ung kaayahan im wiapé', zéi'kan siapa zozo' ing kori' uman u méipantik witu un ukum Torat un zéi'en, sa péléng a méipantik itii zéi'kampé' nimamualima.

Matius 8:20

Ang kuan ni Yesus wia ni sia, “Sé longkoi ém wéwéhan an tuleng néra, sé tumétéwél ém wéwéhan a salah néra. Taan si Oki' ni Tou én zéi'kan siapa un toro rewaan-Na.”

Lukas 13:3

Taan ikua-Kuma wia ni kamu, ‘Zéi'kan!’ Sa kamu zéi'kan tumula'ula a singkéla' niou, ni kamu péléng kasii é mawunu'en tanu ni séra.

Lukas 13:5

Ikua-Kuma wia ni kamu, ‘Zéi'kan!’ Taan sa kamu zéi'kan tumula'ula a singkéla' niou, ni kamu péléng é maté tanu u nimamuali wia ni séra.”

Yohanes 13:8

Ang kuan ni Petrus wia ni Sia, “Tia' pahwowo'asan-Nu un a'éku.” Kuan ni Yesus wia ni sia, “Sa un a'ému zéi'kan wo'asang-Ku, ni ko é méikatampaso im wia ni Aku.”

Yohanes 15:4

Niitumo, maesamola karia-Ku tanu ni Aku nimaesa karia niou. Tanu um panga én zéi'kan mata'u mua' sa zéi'kan nimaesa karia un tuuzna un anggor, téntu kangkasii ni kamu zéi'kan mua' sa zéi'kan nimaesa karia-Ku.

Yohanes 3:3

A mingkotla si Yesus, “Uli-ulit ikua-Kuma wia ni ko, sa si tou zéi'kan itoumé sumaup in tou taré nimatoumé, si tou itii én zéi'kan mata'u maéndo tou witi Kakolanoan ni Opo Empung.”

Yohanes 3:36

Séi uman si ma'éman wia si Oki', si tou itii é makailek ung katou-touan makaz ing kauré-uré. Taan séi uman si zéi'kan mahtali-talinga wia si Oki', zéi'kan makailek ung katou-touan makaz ing kauré-uré taan ukumen ni Opo Empung makaz ing kauré-uré.

Yohanes 3:5

Si Yesus nimingkotla, “Uli-ulit ikua-Kuma wia ni ko, sa si tou zéi'kan matoumé im witu un zano wo wia si Roh ni Opo Empung, ni sia én zéi'kan mata'u maéndo tou witi Kakolanoan ni Opo Empung.

Yohanes 6:47

Uli-ulit ikua-Kuma wia ni kamu: Séi uman si ma'éman, ni sia é makaanu ung katou-touan makaz ing kauré-uré.

Yohanes 6:51

Ni Akumo u roti mahwéhé ung katou-touan um witi kasendukan an tumumpamé. Sa wéwéhan si tou kumana u roti kenu é mamenou-nou makaz ing kauré-uré. U roti iwéhé-Ku én awak-Ku, u maiwéhé-Ku wo sé tou wia ung kaayahan kenu mamenou-nou.”

Yohanes 6:55

Pahpaan, un awak-Ku un uli-ulit tikohon wo un zaha'-Ku un uli-ulit eelepen.

Yohanes 6:62

Kura u mamuali sa kamu milek si Oki' ni Tou mawénéta i mawuri witi pinahwéha-wéhan-Na ing kataré?

1 Yohanes 5:12

Séi si simungkul si Oki' ni Opo Empung, ni sia é makailek ung katou-touan makaz ing kauré-uré. Séi si zéi'kan simungkul si Oki' ni Opo Empung, ni sia én zéi'kan makailek ung katou-touan itii.

Wahyu 2:17

Séi si wéwéhan lunteng é mahtalingama lé'os an ipahkua ni Roh ni Opo Empung wia sé jamaat: Si tou nimuntung, ni sia ém wéhang-Ku manna a méiwunipé', wo ni sia kasii ém wéhang-Ku um watu kulo', um wawona ém pinantikan u ngaran weru un akaz uman si makaanu si mata'u u méipantik witu, zéi'kan siapa walina.’ ”

Wahyu 2:7

Séi si wéwéhan lunteng é mahtalingama lé'os an ipahkua ni Roh ni Opo Empung wia sé jamaat: Si tou nimuntung, ni sia én énéang-Ku ing kuman um wua'na ung kai u mahwéhémé ung katou-touan, um witu un Uma ni Opo Empung.’ ”