Yohanes 6:44 - Taaz Weru Witu u Nunuwu'en Tombulu

⁴⁴ Zéi'kan siapa zozo' in esa si toro méyé wia ni Aku, sa sia zéi'kan ipahwalimé ni Ama' si nimatumé ni Aku. Wo si tou niméyé wia ni Aku én itou-Ku sumaup im wia sé nimaté im witu un endo kaakazan ung kaayahan.

Yohanes 6:44 Iomraidhean Croise

Matius 12:34

É kamu sé suzu né ulé' melangu. Kura kamu toro mahkua am wangun taan am pahmualin niou é léwo'? Pahpaan um pahnuwu'mé ni tou é mahondolé witu un aténa.

Matius 16:17

Ang kuan ni Yesus wia si Simon, “Mahpaa-paazla ni ko Simon oki' ni Yunus pahpaan zéi'kan si tou si kimua niitu wia ni ko, taan si Ama'-Ku si witi kasendukan.

Yohanes 12:32

Wo ni Aku, sa ni Aku itooz im wia ung kaayahan kenu, ni Aku mangun péléng sé tou méyé wia ni Aku.”

Yohanes 5:44

Kura kamu toro ma'éman wia ni Aku, sa kamu paaz uman i sigi'en né tou, taan ni kamu soo menéro u sigi' ni Opo Empung si Esa uman?

Yohanes 6:43

Ang kuan ni Yesus wia ni séra, “Ni kamu én tia'mo mengengu-ngengut.

Yohanes 6:45

Wana am pinantik né nabi é méipantik, ‘Ni séra péléng én tuzu'en ni Opo Empung.’ Péléng sé tou sé timalingamo wo nimakaileko an tutuzu' ni Ama' é méyé wia ni Aku.

Yohanes 6:65

A Sia kumua, “Niitumo mémoikua-Kula wia ni kamu: Zéi'kan siapa zozo' in esa si toro méyé wia ni Aku, sa sia zéi'kan niénéan ni Ama'.”

Yohanes 8:43

Ni kamu zéi'kan makatulap an ipahkua-Ku pahpaan ni kamu é soo tumalinga an ipahkua-Ku.

Filipi 1:29

Pahpaan, ni kamu én tinambéran ung kamang zéi'kan uman i ma'éman si Kristus, taan ni kamu kasii én tinambéran ung kamang i mazéha pahpaan ma'éman ni Sia.

Kolose 2:12

Pahpaan i ni kamu sinarani, a singkéla' niou én tanu mémoileweng karia ni Kristus; wo karia i sinarani kangkasii ni kamu é mémoitoumé sumaup wo nimakailek ung katou-touan weru mahwali-wali karia ni Kristus, pahpaan ni kamu é ma'éman ung kawasa ni Opo Empung si timoumé sumaup si Kristus im wia sé nimaté.