Yohanes 6:26 - Taaz Weru Witu u Nunuwu'en Tombulu

²⁶ A si Yesus mingkotla, “Uli-ulit ikua-Kuma wia ni kamu, ni kamu é menéro-néro ni Aku zéi'kan pahpaan ni kamu nimilekola a makakompo'en am winangun-Kumola, taan pahpaan ni kamu éng kimano u roti itii makaz nimawesuh.

Yohanes 6:26 Iomraidhean Croise

Yohanes 3:3

A mingkotla si Yesus, “Uli-ulit ikua-Kuma wia ni ko, sa si tou zéi'kan itoumé sumaup in tou taré nimatoumé, si tou itii én zéi'kan mata'u maéndo tou witi Kakolanoan ni Opo Empung.”

Yohanes 3:5

Si Yesus nimingkotla, “Uli-ulit ikua-Kuma wia ni ko, sa si tou zéi'kan matoumé im witu un zano wo wia si Roh ni Opo Empung, ni sia én zéi'kan mata'u maéndo tou witi Kakolanoan ni Opo Empung.

Yohanes 6:14

I niilekla né tou itii u makakompo'en winangunla ni Yesus, ni séra mahkua, “Ni Sia én uli-ulit Nabi si méitaaz ni Opo Empung i méyé wia ung kaayahan kenu.”

Yohanes 6:15

Kata'uan ni Yesus ni séra é mamenutu' ni Sia i maéndo kolano néra. Niitumo Sia nimangé witi kimentur mengesamé.

Yohanes 6:2

Lakez sé tou mahkiit ni Sia, pahpaan ni séra nimilek a makakompo'en pahwangunen-Na wia sé tou saki.

Yohanes 6:24

Ing kinata'uanola né tou lakez i si Yesus wo sé pahtuzu'en-Na zéi'mo witu, sé tou itii é simakéma wana a londéi a séra mangé witi Kapernaum i menéro si Yesus.

Yohanes 6:30

Niitumo ni séra mahkua wia ni Sia, “Apa u makakompo'en um wangunen-Nu un toro ileken nai, wo kai ma'éman wia ni Ko? Apa um paayangen-Nu?

Yohanes 6:36

Taan tanumo u mémoikua-Ku wia ni kamu: Zozo' ni kamu nimileko ni Aku, ni kamu én zéi'kan ma'éman ni Aku.

Yohanes 6:47

Uli-ulit ikua-Kuma wia ni kamu: Séi uman si ma'éman, ni sia é makaanu ung katou-touan makaz ing kauré-uré.

Yohanes 6:53

A si Yesus kumuala wia ni séra, “Uli-ulit ikua-Kuma wia ni kamu, sa ni kamu zéi'kan kuman un awak ni Oki' ni Tou wo melep un zaha'-Na, ni kamu én zéi'kan uli-ulit menou-nou.

Yohanes 6:64

Taan im wia ni kamu ém wéwéhan sé zéi'kan ma'éman.” Pahpaan rengané ing kataré-taré éng kata'uano ni Yesus, séi sé zéi'kan ma'éman wo séi si mamangkér ni Sia.

Roma 16:18

Pahpaan sé tou téntu én zéi'kan mahpaayang wia si Kristus, si Mahpiarata, taan ni séra é mahpaayang i mahwuwutul uman am pemandungen néra. Karia an eenou wo a nunuwu'en tariis im pahtalingan, ni séra é mahtowo wia sé tou sé zéi'kan siapa kata'uan.

Filipi 2:21

Pahpaan sé tou walina é mahpenéro uman um pemandungen néra in esa, zéi'kan um pemandungen ni Kristus Yesus.

Filipi 3:19

Ing kamurian sé tou téntu é maléwo'en pahpaan zéi'kan memandung si Opo Empung taan memandung uman um poot néra in esa. Ni séra mahlooz am pahwangunen néra zozo' am pahwangunen néra itii é makaizangen wo am pegena-genangen néra ém wia uman ung kaayahan kenu.

1 Timutius 6:5

mahsingku-singkutan zéi'kan siapa zéi'na, ung genang ni tou itii é nimakazo wo zéi'mo ulit. Ni sia mahgenangla i mawa'ilan pahpaan mahragés wia si Opo Empung.