Yohanes 5:7 - Taaz Weru Witu u Nunuwu'en Tombulu

⁷ Kuan ni saki itii wia ni Sia, “Tuang, zéi'kan siapa si tou paaz sumawang in tumumpama ni aku i mahogémomé un zano witu ung kolam itii. Wo karegas ni aku mahrétéma ung kolam itii, pinuunaanoma né tou walina in timahu'ma.”

Yohanes 5:7 Iomraidhean Croise

Yohanes 5:2

Im witi Yerusalem rété um pepenet tua'na pahkuan “Pepenet Domba” ém wéwéhan ung kolam um witu u nunuwu'en Ibrani pahkuan Bethesda. Im witu ém wéwéhan u lima loloangan.

Yohanes 5:3

Im wana a loloangan itii lakez sé tou saki kimolo': sé letok, sé kénto' wo sé lailai. [Ni séra ma'ento' un zano witu ung kolam itii i mogémé.

Yohanes 5:4

Pahpaan wéwéhan un orasna si malaekat ni Mahpiara tumumpama witu ung kolam itii wo mogé un zano witu. Apa uman u saki ni tou si puuna mapatahu'ma witu un zano ung karegas i mahogé é malé'os.]

Yohanes 5:6

I si Yesus nimilekla si tou itii kimolo' witu wo pahpaan kata'uan-Namo i si tou itii én urémo i saki, a Sia kumuala wia si tou itii, “Paaz malé'os ko?”

Roma 5:6

I ni kita zéi'kan makawawa i mapapilot un touta in esa im witu un ukuman pahpaan a singkéla', si Kristus nimaté pahpaan ni kita mahsingkéla', witu un oras tinotozo ni Opo Empung.

1 Korintus 9:24

Kata'uan niouo sa sé tou witu um pahlolowaan ing kumara', esa uman si makailek ung kukulu, zozo' im péléng kimiit i mahlolowaan. Niitumo, mahtututu'la i mahlolowaan wo mamakailek ung kukulu.