Yohanes 5:41 - Taaz Weru Witu u Nunuwu'en Tombulu

⁴¹ Ni Aku én zéi'kan menéro u sisigi'an né tou.

Yohanes 5:41 Iomraidhean Croise

Yohanes 12:43

Pahpaan u lolooz né toupé' ung kapaaz néra taan u lolooz ni Opo Empung.

Yohanes 5:34

Taan ni Aku én zéi'kan memandung si tou walina ing kumua an tinalinga wo a niilek néra tumoro ni Aku, taan niia én ikua-Kuma wo ni kamu toro ipilot im witu un ukuman wana a singkéla'.

Yohanes 5:40

Taan ni kamu é soo méyé wia ni Aku i makailek ung katou-touan makaz ing kauré-uré.

Yohanes 5:42

Taan tumoro ni kamu, uli-ulit kata'uang-Ku im witu un até niou, ni kamu én zéi'kan siapa raraatéan wia si Opo Empung.

Yohanes 5:44

Kura kamu toro ma'éman wia ni Aku, sa kamu paaz uman i sigi'en né tou, taan ni kamu soo menéro u sigi' ni Opo Empung si Esa uman?

Yohanes 6:15

Kata'uan ni Yesus ni séra é mamenutu' ni Sia i maéndo kolano néra. Niitumo Sia nimangé witi kimentur mengesamé.

Yohanes 7:18

Si tou si mahnuwu' karia ung genangna in esa, ni sia é menéro uman u sisigi'an witu un touna in esa, taan si tou mahpenéro u sigi' wia si Opo Empung si nimatumé ni sia, ni sia én ulit wo im wia ni sia én zéi'kan siapa an towo.

Yohanes 8:50

Ni Aku én zéi'kan mahaléi sé tou i sumigi' ni Aku. Wéwéhan si esa si paaz wo ni Aku sigi'en, ni Siamo si mahtotoz in ulit kaapa zéi'kan um pahwangunen né tou.

Yohanes 8:54

A si Yesus mingkotla, “Sa ni Aku mahsigi' wo mahlooz uman un tou-Ku in esa, u sigi' wo u looz itii én zéi'kan siapa torona. Si mahsigi' wo mahlooz ni Aku é si Ama'-Ku, si pahkuan niou in Opo Empung niou.

1 Tesalonika 2:6

Ni kai kasii én zéi'kan kawisa i menéro u lolooz né tou, im wia ni kamu kaapa im wia sé tou walina. Un ulitna, in aatu ni Yesus Kristus, ni kai én toro mahaléi apa uman wia ni kamu, taan ni kai é soo un téntu.

1 Petrus 2:21

Ni kamu én tinawah-Namé i mahwangun a lé'os zozo' in zézéha. Pahpaan si Kristus kangkasii é nimazézéhamé pahpaan ni kamu wo timula'umoma ung kékéréan ing kiitan niou.

2 Petrus 1:17

Ni kai ém wana i si Yesus nimakailek u sigi' wo u looz um wia si Opo Empung a méyé. Niitu nimamuali i si Opo Empung Si Totoz pahsigi'en wo pahloozen ing kimua wia ni Sia, “Si Kenumo si Oki'-Ku, si ikararaaté-Ku. Ni Sia si mahwangun un até-Ku i mahpaa-paaz.”