Yohanes 5:40 - Taaz Weru Witu u Nunuwu'en Tombulu

⁴⁰ Taan ni kamu é soo méyé wia ni Aku i makailek ung katou-touan makaz ing kauré-uré.

Yohanes 5:40 Iomraidhean Croise

Matius 22:3

Ni sia nimatuma sé atana i matumawah sé tou kinuana i méyé witu um pésta kawéng itii, taan sé tou itii é soo méyé.

Matius 23:37

“É tou Yerusalem, é tou Yerusalem! Ni kamu sé nimunu' sé nabi wo nimahwatumé sé tou méiatu ni Opo Empung i mangé wia ni kamu. Makalakezo ni Aku lumelo i ruméwok ni kamu witu u rété-Ku, tanu si makawali-wali i ruméwok sé sisina witu un tétéwélna, taan ni kamu é soo!

Yohanes 1:11

Ni Sia niméyé wia sé tou sé anu-Na, taan sé anu-Na itii é soo sumungkul ni Sia.

Yohanes 10:10

Si maremu' é méyé uman i rumemu', munu' wo méluméwo'. Taan ni Aku é niméyé, wo sé tou makailek ung katou-touan, niitumo ung katou-touan linakez ung kamang.

Yohanes 3:19

Si tou zéi'kan ma'éman itii é niukum pahpaan ung kenu: U Sena' é niméyémo wia ung kaayahan, taan ung karimbengbengampé' ung kapaaz né tou, pahpaan um pahwangunen néra é léwo'.

Yohanes 5:39

Ni kamu sekezé é mahtata'u um Pinantik Lenas pahpaan ni kamu mahgenangla im witu ni kamu toro mata'umé kura i makailek ung katou-touan makaz ing kauré-uré. Zozo' in téntu, witu um Pinantik Lenas itii én tumuzu'mé tumoro ni Aku.

Yohanes 5:41

Ni Aku én zéi'kan menéro u sisigi'an né tou.

Yohanes 5:44

Kura kamu toro ma'éman wia ni Aku, sa kamu paaz uman i sigi'en né tou, taan ni kamu soo menéro u sigi' ni Opo Empung si Esa uman?

Yohanes 6:27

Ni kamu én tia'mo mahpaayang i menéro an tikohon rewek maapu wo toro uman mawuul, taan maayangla i menéro an tikohon zéi'kan mawuul, a mahwéhémé ung katou-touan makaz ing kauré-uré un iwéhé ni Oki' ni Tou wia ni kamu. Pahpaan ni Siamo si winéhan kawasa ni Opo Empung, si Ama'.”

Yohanes 6:37

Péléng sé tou méiwéhé ni Ama' wia ni Aku é méyé wia ni Aku wo péléng sé méyé wia ni Aku, sé tou itii é sungkuleng-Ku.

Yohanes 6:40

Pahpaan niiamo um paaz ni Ama'ku: Wo péléng sé tou nimilek wo sé ma'éman si Oki' é makailek ung katou-touan makaz ing kauré-uré wo ni séra én itou-Ku sumaup im witu un endo kaakazan ung kaayahan.”

Roma 6:23

Pahpaan um wawaér i mahsingkéla' ém patéan, taan un tatambér ni Opo Empung éng katou-touan makaz ing kauré-uré pahpaan nimaesa karia ni Kristus Yesus, si Mahpiarata.

Wahyu 22:17

A si Roh ni Opo Empung wo si wéwéné kawéngen itii kumuamé, “Méyémo!” Wo séi uman si tumalingama niitu, iwayamola sia ing kumuala “Méyémo!” Wo séi si maré'o, iwayamola sia i méyé, wo séi si paaz melep, iwayamola sia i maméndomé un zano mahwéhémé ung katou-touan u méitambér umané.