Yohanes 5:35 - Taaz Weru Witu u Nunuwu'en Tombulu

³⁵ Si Yohanes Menanarani én tanu u solo mahlayas wo mahsena'ma wo u sena' itii nimangun ni kamu mahpaa-paaz zozo' in zéi'kan mauréma.

Yohanes 5:35 Iomraidhean Croise

Matius 11:11

Uli-ulit ikua-Kuma wia ni kamu: Im wia sé tou sé nimatoumé im wia sé wéwéné, zéi'kan siapa si lumousé ung kawangko' ni Yohanes, taan si totoz kori' im wia sé tou witi Kakolanoan ni Opo Empungpé' si wangko' taan ni sia.

Matius 21:26

Taan sa kita kumuama, ‘Wia si tou a méyé,’ kaindé'ta uman é sé tou lakez, pahpaan si Yohanes ém pahgenangen nérala i nabi.”

Markus 1:5

A sé tou wana péléng an tana' Yudea wo péléng sé tou witi Yerusalem mangé wia si Yohanes. Karia i makaulit a singkéla' néra, ni séra pahsaranin ni Yohanes witi so'so'an Yordan.

Markus 6:20

pahpaan si Yohanes ém pahsigi'en ni Herodes wo kata'uanna i si Yohanes én tou ulit wo linenas ni Opo Empung, niitumo si Herodes nimatuma sé touna i matuméiz si Yohanes. Pahpaan zozo' un aténa é nimalinganga i mahtalingamé un ipahkuamé ni Yohanes, taan ni sia é mahpaa-paaz i mahtalinga un ipahkuanamé.

Lukas 7:28

Uli-ulit ikua-Kuma wia ni kamu: Im wia sé tou sé nimatoumé im wia sé wéwéné, zéi'kan siapa si lumousé ung kawangko' ni Yohanes, taan si totoz kori' im wia sé tou witi Kakolanoan ni Opo Empungpé' si wangko' taan ni sia.”

Yohanes 6:66

Rengané in toro niitu lakez sé mahkii-kiit si Yesus timula'u ni Sia wo soomo kumiit ni Sia.

2 Petrus 1:19

Niitumo u nimangun ni kai totoz enté' i ma'éman witu u nuwu' méipahwoka'ma né nabi im puuna. A méipahtuzu'ma né nabi itii é léwo'zéi' im pahwéhan nioula genang tanu ni kamu i mahilek u solo mahsena' witu u rimbengbeng makaz si endo i sumerité wo si kaendoan i sumena' witu un até niou.