Yohanes 5:30 - Taaz Weru Witu u Nunuwu'en Tombulu

³⁰ Zéi'kan siapa un toro wanguneng-Ku ikiit um paaz-Ku in esa. Ni Aku i mahtotoz am pahwangunen né tou in ulit kaapa zéi'kan é mengiit an tinalinga-Ku wia si Ama'. Wo ni Aku én zéi'kan mahsanaweka i mahtotoz am pahwangunen né tou ulit kaapa zéi'kan, pahpaan ni Aku én zéi'kan mahkiit um paaz-Ku in esa taan mahkiit uman um paaz ni Ama' si nimatumé ni Aku.

Yohanes 5:30 Iomraidhean Croise

Matius 26:39

A Sia lumampanga oki', kumuruzla karia in timuktuk a mengaléi, “O Ama'-Ku, sa tanu an toro, izou-zou' im wia ni Aku an zézéha kenu, taan ikiitola um paaz ni Ama', zéi'kan mengiit um paaz-Ku.”

Yohanes 14:10

Zéi'kan pa'émanennu wé i ni Aku é nimaesa karia ni Ama' wo si Ama' é nimaesa karia-Ku? A méikua-Kuma wia ni ko én zéi'kan witu ung genang-Ku a mangé, taan wia si Ama' si nimaesa karia-Ku a mangé, ni Siamo si mahwangun péléng am pahpaayangen-Na.

Yohanes 17:4

Ni Aku é nimapaileko ung kawangko'an ni Ama' im wia sé tou wia ung kaayahan kenu karia i simampeta um paayangen u méiwéhé-Mu wia ni Aku im paayangeng-Ku.

Yohanes 18:11

Kuan ni Yesus wia si Petrus, “Iuma'la um pisoumu itii, apa pahgenangenula ni Aku én tumingkas im wana an zézéha tinotozo ni Ama'-ku im pendaneng-Ku?”

Yohanes 4:34

Kuan ni Yesus wia ni séra, “Ung kakaneneng-Ku é mahwangun um paaz-Na si nimatumé ni Aku wo sumampet um paayangen-Na.

Yohanes 5:19

A si Yesus mingkotla wia ni séra, “Uli-ulit ikua-Kuma wia ni kamu, si Oki' ni Opo Empung én zéi'kan mata'u kumura sa zéi'kan nimilek um winangun ni Ama'. Pahpaan apa um pahpaayangen ni Ama' niitu kangkasii um pahpaayangen ni Oki'.

Yohanes 6:38

Pahpaan ni Aku én timumpamomé im witi kasendukan zéi'kan i mangun um paaz-Ku, taan i mangun um paaz ni Opo Empung si nimatumé ni Aku.

Yohanes 8:28

A si Yesus kumuama wia ni séra, “I ni kamu timoozola si Oki' ni Tou, taré kamu mata'u i ni Akumo Sia si méipahkua-Kula. Wo ni kamu é mata'u im péléng am pahwanguneng-Ku én zéi'kan pahwanguneng-Ku mengiit um paaz-Ku in esa. Taan ni Aku mémahkua umana a méituzu' ni Ama'-Ku wia ni Aku.

Yohanes 8:42

Kuan ni Yesus wia ni séra, “Sa si Opo Empung én Ama' niou, ni kamu é marumaraaté ni Aku, pahpaan ni Aku ém wia si Opo Empung a méyé wo in tarékan ni Aku ém wia'i. Ni Aku i niméyé én zéi'kan pahpaan um paaz-Ku in esa, taan ni Siamo si nimatumé ni Aku.

Yohanes 8:50

Ni Aku én zéi'kan mahaléi sé tou i sumigi' ni Aku. Wéwéhan si esa si paaz wo ni Aku sigi'en, ni Siamo si mahtotoz in ulit kaapa zéi'kan um pahwangunen né tou.

Roma 15:3

Pahpaan si Kristus kangkasii én zéi'kan uman menéro u mahpaa-paaz witu un tou-Na in esa, taan tanu u méipantik witu um Pinantik Lenas in téntii: “Péléng a séséro'an néra wia si Opo Empung, niana kangkasii én timoro ni Aku.”

Roma 2:2

Kata'uanta i si Opo Empung uman si ulit i mukum sé tou sé mahwangun an tanu niitu.

Roma 2:5

Pahpaan ung kaketéhan un atému i soo tumula'u a singkéla', niitu u nimangun uman taré un upi' ni Opo Empung éng kalousna im wia ni ko, makaz ni Sia mapailek un ukuman-Na un zéi'kan mahsanaweka wia ni ko witu un endo tinotoz-Namo.