Yohanes 5:28 - Taaz Weru Witu u Nunuwu'en Tombulu

²⁸ Ni kamu én tia'mo mengompo' in tumalingama niia, pahpaan un orasna é méyé im péléng sé nimatémo wo mémoileweng én tumalinga u nuwu' ni Oki' ni Tou.

Yohanes 5:28 Iomraidhean Croise

Yohanes 3:7

Tia' ko mengompo' sa kuaang-Kula: ni ko é léwo'zéi' itoumé sumaup in tou taré nimatoumé.

Yohanes 4:21

Kuan ni Yesus wia ni sia, “Ina', pa'émanela u méikua-Ku kenu, méyé un orasna i ni kamu mérumagés wia si Ama', zéi'kan witi wawona ung kentur kenu wo zéi'kan kangkasii witi Yerusalem.

Yohanes 4:23

Taan un orasna é méyé wo tarékano un orasna i sé tou sé uli-ulit mahragés é marumagés wia si Ama' karia ung kawasa ni Roh Lenas wo ang kaulitan. Pahpaan si Ama' é mahpenéro sé tou mahragés tanu niitu wia ni Sia.

Yohanes 5:20

Pahpaan si Ama' é rumaraaté si Oki' wo ni Sia é nimapailek wia si Oki'-Na péléng am pahpaayangen-Na in esa. Lumouspé'mé niitu si Ama' é mapailek am paayangen lumousé am paayangen itii wia ni Sia, makaz ni kamu mengusi-ngusingsing.

Yohanes 5:25

Uli-ulit ikua-Kuma wia ni kamu: Un orasna é méyé wo niiamo un orasna i sé tou nimatémo én tumalinga u nuwu' ni Oki' ni Opo Empung wo sé timalingama niitu é matou.

Kisah Rasul-rasul 24:15

Ni aku kasii én tanu ni séra i mahéré' uman wia si Opo Empung in tumou sumaup péléng sé tou nimaté, ni séra in tou ulit kaapa zéi'kan.

Kisah Rasul-rasul 3:12

I si Petrus nimileka sé tou lakez itii, a sia kumuala wia ni séra, “É kamu in tou Israel, kaa kamu mengompo' i nimileka un taré mamualima kenu? Kaa kamu mengile-ngileké wia ni kai tanumokan ni kai sé nimangun ni sia in toromo mahlampang pahpaan ung kawasa kaapa pahpaan ni kai sekezé é mahwangun ung kapaaz ni Opo Empung?

1 Korintus 15:22

Pahpaan nimaesa karia ni Adam, péléng sé tou é mamaté, téntu kangkasii, pahpaan nimaesa karia ni Kristus, péléng sé tou én itou sumaup ni Opo Empung.

Filipi 3:21

Un awakta un toro maléwo' kenu é mawerun ni Kristus wo lamasuat karia un awak-Na um pahloozen wo pahsigi'en. Ni Sia é mangun niitu mengiité ung kawasa-Na un toro kumala péléng am péléng.

Wahyu 20:12

Ilekengkuma sé tou nimatémo, ni séra é sé tou pahsigi-sigi'en wo sé tou kanaramen, rimendai witu u sinaru u rurumezan ni Kolano itii. In toro niitu, péléng ang kitap ém winukama, am pinantikan péléng am pinahwanguné né tou. Am wukan kasiima ung kitap walina, ung kitap katou-touan. Sé tou nimatémo ém pahtotozen ulit kaapa zéi'kan am pinahlé'os néramé mengiit a mémoipantik wana ang kitap itii.