Yohanes 5:25 - Taaz Weru Witu u Nunuwu'en Tombulu

²⁵ Uli-ulit ikua-Kuma wia ni kamu: Un orasna é méyé wo niiamo un orasna i sé tou nimatémo én tumalinga u nuwu' ni Oki' ni Opo Empung wo sé timalingama niitu é matou.

Yohanes 5:25 Iomraidhean Croise

Lukas 15:24

Pahpaan si oki'ku kenu én tanu a nimatémo a matoumé sumaup, si méikalulu éng kinailekanola sumaup.’ A séra péléng rengan i mahpaa-paaz.

Lukas 15:32

Niitumo ni kita ém wangun i mahpaa-paaz pahpaan si tuarimu én tanu nimatémo a matoumé sumaup, si méikalulu éng kinailekanola sumaup.’ ”

Lukas 9:60

Ang kuan ni Yesus wia ni sia, “Iwayamola sé tou nimatémo i malumewengla sé nimatémo. Taan ni ko, mangémo wo maiwoka'la tumoro ung Kakolanoan ni Opo Empung.”

Yohanes 13:1

In endo mahsiwo-siwo i lumé'os un endo Paskah né tou Yahudi, si Yesus é mata'umo in oras-Namo tumula'u ung kaayahan kenu wo mangé wia si Ama'-Na. Ni Sia é rumaraaté sé tou sé nimaéndo anu-Na sé wia ung kaayahan kenu wo ni Sia é rumaraaté ni séra makaz ni Sia ing kalekepan.

Yohanes 17:1

I nimakakuamola niitu, a si Yesus lumoho'ma witi langit ang kumua, “Ama', in tarékan é méikaayomola witu un oras tinotoz-Mu. Ipapaileka ung kawangko'ang-Ku in Oki'-Mu. Karia in téntu ni Aku kangkasii é mapailek ung kawangko'an-Nu.

Yohanes 4:21

Kuan ni Yesus wia ni sia, “Ina', pa'émanela u méikua-Ku kenu, méyé un orasna i ni kamu mérumagés wia si Ama', zéi'kan witi wawona ung kentur kenu wo zéi'kan kangkasii witi Yerusalem.

Yohanes 4:23

Taan un orasna é méyé wo tarékano un orasna i sé tou sé uli-ulit mahragés é marumagés wia si Ama' karia ung kawasa ni Roh Lenas wo ang kaulitan. Pahpaan si Ama' é mahpenéro sé tou mahragés tanu niitu wia ni Sia.

Yohanes 5:21

Pahpaan tanu si Ama' én tumou sumaup sé tou nimatémo wo méhé wia ni séra ung katou-touan, téntu kangkasii si Oki' é méhé ung katou-touan wia si séi uman si kapaaz-Na.

Yohanes 5:28

Ni kamu én tia'mo mengompo' in tumalingama niia, pahpaan un orasna é méyé im péléng sé nimatémo wo mémoileweng én tumalinga u nuwu' ni Oki' ni Tou.

Yohanes 6:60

In timalingamoma a méikuama ni Yesus, lakez sé mahkii-kiit ni Sia mahkua, “A méikuamé itii én totoz wutez, séi si toro kumiit a méikuamé itii?”

Yohanes 8:43

Ni kamu zéi'kan makatulap an ipahkua-Ku pahpaan ni kamu é soo tumalinga an ipahkua-Ku.

Yohanes 8:47

Séi uman si wia si Opo Empung a méyé, ni sia é mahtalinga u nuwu' ni Opo Empung. Taan ni kamu én zéi'kan wia si Opo Empung a méyé, pahpaano niitu ni kamu soo tumalinga u nuwu' ni Opo Empung.”

Yohanes 9:27

Am wingkotenala, “Mémoikuakula wia ni kamu, taan ni kamu é soo tumalinga. Kaa kamu paazpé' in tumalinga niitu? Toro kuaa ni kamu kangkasii ém paaz i maéndo pahtuzu'en-Na?”

Roma 6:4

Karia in téntu, ni kita é méilewengo karia-Na pahpaan i sinarani, wo tanu si Kristus i méitou sumaup ni Ama' im wia sé nimaté pahpaan ung kawangko'an ni Opo Empung, ni kita kangkasii é menou-nou witu ung katou-touan weru.

Efesus 2:1

Puunala ni kamu i ma'éman, ni kamu én tanu nimatémo pahpaan a léwo'an wo a singkéla' niou.

Efesus 2:5

Pahpaan a siningkéla'ta, ni kita én tanu nimatémo. Taan ni kita é mémoitou sumaup ni Opo Empung karia ni Kristus. Niitu ém pahpaan uman ung kamang méitambér-Na i ni kamu méipilot im witu un ukuman wana a singkéla'.

Efesus 5:14

Niitumo wéwéhan u méikua, “Tumoozomé, é ni ko si timekel, mawongkémomé im wia sé nimaté wo si Kristus maéndo sena' witu ung katou-touannu.”

Kolose 2:13

Ni kamu kangkasii, im puuna in zéi'kampé' ma'éman én tanu nimatémo pahpaan a siningkéla' wo pahpaan zéi'kan sinunat witu un awak, taan in tarékan ni kamu é méitoumomé sumaup ni Opo Empung karia ni Kristus, kumawusa si Opo Empung i niméhéla ampungan wana a singkéla'ta,

Wahyu 3:1

A si Oki' ni Tou kumuala wia ni aku, “Ipantikmula wo iwéhéma wia si malaekat si wia sé jamaat witi Sardis in téntii, ‘Kenumo a Nuwu'-Na, si makaanu sé pitu Roh ni Opo Empung wo timion sé pitu tototi'en. Kata'uang-Ku péléng am pinaayang niouo. Ni kamu ém pahkuan i menou-nou taan ndéén nimatémo.