Yohanes 5:24 - Taaz Weru Witu u Nunuwu'en Tombulu

²⁴ Uli-ulit ikua-Kuma wia ni kamu: Séi uman si timalinga u méikua-Ku wo ma'éman wia ni Sia si nimatumé ni Aku, si tou itii é makailek ung katou-touan makaz ing kauré-uré wo zéi'kan makailek un ukuman, pahpaan ni sia é méikapilotomé im witu um patéan wo niméramoma witu ung katou-touan.

Yohanes 5:24 Iomraidhean Croise

Matius 25:46

Sé tou kenu én iuntep witi tampa pahukuman makaz ing kauré-uré, taan sé tou ulit én iuntep witu ung katou-touan makaz ing kauré-uré.”

Markus 16:16

Séi si ma'éman wo sinarani, ni sia é makailek ung katou-touan makaz ing kauré-uré. Taan séi si zéi'kan ma'éman én ukumen.

Yohanes 11:26

Wo péléng sé tou menou-nou wo ma'éman wia ni Aku, zéi'kan maté makaz ing kauré-uré. Apa pa'émanennu un taré ikua-Kuma itii?”

Yohanes 12:44

A si Yesus kuméréta, “Séi uman si ma'éman ni Aku, zéi'kan ni Aku si pa'émanenna taan ni sia é ma'éman si nimatumé ni Aku.

Yohanes 20:31

Taan péléng niia é méipantik wo kamu ma'éman i si Yesus é Mesias, Oki' ni Opo Empung. Wo pahpaan ma'éman wia ni Sia, ni kamu é makailek ung katou-touan makaz ing kauré-uré karia-Na.

Yohanes 3:16

Pahpaan si Opo Empung totoz rumaraaté péléng sé tou wia ung kaayahan kenu, niitumo ni Sia timambéré si Oki'-Na si esa uman, wo péléng sé tou ma'éman ni Sia zéi'kan maté, taan makailek ung katou-touan makaz ing kauré-uré.

Yohanes 3:18

Séi uman si ma'éman ni Sia én zéi'kan ukumen. Taan si zéi'kan ma'éman ni Sia é nimakaileko un ukuman, pahpaan ni sia én zéi'kan ma'éman witu u ngaran ni Oki' ni Opo Empung si esa uman.

Yohanes 3:36

Séi uman si ma'éman wia si Oki', si tou itii é makailek ung katou-touan makaz ing kauré-uré. Taan séi uman si zéi'kan mahtali-talinga wia si Oki', zéi'kan makailek ung katou-touan makaz ing kauré-uré taan ukumen ni Opo Empung makaz ing kauré-uré.

Yohanes 4:36

In tarékan si mengungupu' éng karegaso im pahwaéran. Am wua'na pahréwokenna é sé tou ma'éman sé makailek ung katou-touan makaz ing kauré-uré. Niitumo si mahkeroz wo si mahupu' é mahpaa-paaz mahwali-wali.

Yohanes 6:40

Pahpaan niiamo um paaz ni Ama'ku: Wo péléng sé tou nimilek wo sé ma'éman si Oki' é makailek ung katou-touan makaz ing kauré-uré wo ni séra én itou-Ku sumaup im witu un endo kaakazan ung kaayahan.”

Yohanes 6:47

Uli-ulit ikua-Kuma wia ni kamu: Séi uman si ma'éman, ni sia é makaanu ung katou-touan makaz ing kauré-uré.

Yohanes 6:50

Taan u roti un timumpamé im witi kasendukan én zéi'kan téntu, séi uman si kuman u roti itii ni sia én zéi'kan maté.

Yohanes 6:51

Ni Akumo u roti mahwéhé ung katou-touan um witi kasendukan an tumumpamé. Sa wéwéhan si tou kumana u roti kenu é mamenou-nou makaz ing kauré-uré. U roti iwéhé-Ku én awak-Ku, u maiwéhé-Ku wo sé tou wia ung kaayahan kenu mamenou-nou.”

Yohanes 6:58

Ni Akumo u roti timumpamé im witi kasendukan, zéi'kan tanu u roti kinan né nimaopo niou wo ni séra é nimatémoma. Séi uman si kumana u roti un iwéhé-Kuma kenu, si tou itii é mamenou-nou makaz ing kauré-uré.”

Yohanes 8:51

Uli-ulit ikua-Kuma wia ni kamu: Séi uman si mahkiit u nuwu'-Ku, ni sia én zéi'kan maté makaz ing kauré-uré.”

Roma 8:1

Niitumo, in tarékan én zéi'mo siapa un ukuman wia sé menou-nou nimaesamo karia ni Kristus Yesus.

1 Tesalonika 5:9

Ni kita pinéléng ni Opo Empung én zéi'kan in ukumen, taan in ipilot im witu un ukuman wana a singkéla' mengiité si Yesus Kristus Mahpiarata.

1 Petrus 1:21

Pahpaan am winanguna ni Kristus itiimo, taka-takazan ni kamu én toro ma'éman wia si Opo Empung. Si Opo Empung si timou si Kristus im wia sé nimaté wo nimangun ni Sia pahsigi'en wo pahloozen. Karia in téntu ni kamu én toro ma'éman wo mahéré' uman wia si Opo Empung.

1 Petrus 1:5

Péléng niitu én iwéhé wia ni kamu sé penaté-natéren karia ung kawasa ni Opo Empung pahpaan ma'éman wia ni Sia. Ni Sia é menaté-natér ni kamu, akaz ni kamu ipilot im witu un ukuman wana a singkéla'. Niitu é niimek-Na wia ni kamu witu ung kaakazan ung kaayahan.

1 Yohanes 3:14

Kata'uanta, i ni kita é niméramomé im witu um patéan a mangé witu ung katou-touan, pahpaan ni kita é rumaraaté sé katuarita esa pa'émanen. Séi si zéi'kan rumaraaté, ni sia éng kinawasapé' um patéan.

1 Yohanes 5:1

Si tou ma'éman i si Yesus éng Kristus, si tou itii én oki' ni Opo Empung. Si tou rumaraaté si ama', ni sia kangkasii é rumaraaté si oki' ni ama'.