Yohanes 5:22 - Taaz Weru Witu u Nunuwu'en Tombulu

²² Zéi'kan siapa zozo' in esa si tou si tinotoz ni Ama' in ulit kaapa zéi'kan am pahwangunenna. Taan péléng ung kawasa in tumotoz itii é méiwéhé wia si Oki'-Na.

Yohanes 5:22 Iomraidhean Croise

Matius 11:27

A si Yesus kumua kasiima, “Péléng am péléng é mémoiayo ni Ama'-Ku wia ni Aku. Zéi'kan siapa zozo' in esa si mata'u si Oki', akaz uman si Ama' si mata'u si Oki', wo zéi'kan siapa zozo' in esa si mata'u si Ama', akaz uman si Oki' si mata'u si Ama' wo sé tou pinéléng ni Oki' sé makuaan-Na tumoro si Ama'-Na.

Matius 16:27

Pahpaan si Oki' ni Tou é méyé sumaup karia né malaekat-Na wo karia ung kawasa ni Ama'-Na. In toro niitu, ni Sia é maér wia si tou mengiit am pinahlé'osa ni esa wo ni esa.

Matius 28:18

A si Yesus rumétéla ni séra ang kumuama, “Péléng ang kawasa witi kasendukan wo wia ung kaayahan é mémoiwéhé wia ni Aku.

Yohanes 17:2

Si Ama' é niméhémo ung kawasa wia ni Aku ing kumawasa wia péléng sé tou, wo sé tou méiwéhé-Mu wia ni Aku ém wéhang-Ku ung katou-touan makaz ing kauré-uré.

Yohanes 3:35

Si Ama' é rumaraaté si Oki'-Na wo niméhémo wia ni Sia ung kawasa wana péléng am péléng.

Yohanes 5:27

Si Ama' é niméhé ung kawasa wia si Oki'-Na in tumotoz ulit kaapa zéi'kan am pahwangunen né tou pahpaan ni Sia én Oki' ni Tou.

Yohanes 9:39

Ang kuan ni Yesus, “Ni Aku niméyé wia ung kaayahan kenu in tumotoz in ulit kaapa zéi'kan am pahwangunen né tou, wo séi uman si zéi'kan mahilek én toro mahilek, wo séi uman si toro mahilek é maletok.”

Kisah Rasul-rasul 10:42

Ni Sia é nimatumomé ni kai i mahwoka' u Nuwu' Lé'os tumoro ni Sia wia péléng sé tou. Wo ni kai kangkasii é léwo'zéi' ing kumua am pina'ilek wo tinalinga nai, i ni Siamo si Tou pinéléng ni Opo Empung i métumotoz ulit kaapa zéi'kan am pahwangunen né tou, séra i menou-nou kaapa i nimatémo.

Kisah Rasul-rasul 17:31

Niimek-Namo un oras i métumotoz wo meneksek ni kita. Méituzu'-Na si Tou esa i maéndo menonotoz zéi'kan mahsanaweka im wia ni kita péléng. Wo totoz kata'uanta sa niana péléng é mamuali téntu, si menonotoz itii é nimaté a Sia itoumé sumaup ni Opo Empung im wia sé nimaté.”

Roma 2:16

Niitu én ikatuzu'mokané witu un endo i si Opo Empung, mengiité si Kristus Yesus, i matumotoz ulit kaapa zéi'kan péléng a méikawuni witu un até né tou, mengiit u Nuwu' Lé'os tumoro si Yesus u mémoipapata'uku wia sé tou.

2 Korintus 5:10

Pahpaan ni kita péléng é léwo'zéi' i maisaru witu u rurumezan ni Kristus ing Kolano i matotozen ulit kaapa zéi'kan, wo sé tou si esa wo si esa é makailek um wawaér mengiit am winangunna, niitu im wangun kaapa léwo'.

2 Timutius 4:1

Si Kristus Yesus é méyé sumaup wia ung kaayahan in tumotoz ulit kaapa zéi'kan am pahwangunen né tou sé menou-noupé' wo sé nimatémo wo ni Sia éng kumawasa ing Kolano. Pahpaano niitu, totoz im pahaléiengkuma wia ni ko witu u sinaru ni Opo Empung wo ni Kristus Yesus:

1 Petrus 4:5

Taan ni séra é léwo'zéi' i lamakaulit péléng am winangun néramé wia si Opo Empung. Ni Sia é nimimeko in tumotoz ulit kaapa zéi'kan am pinahwanguné né tou, sé menou-noupé' wo sé nimatémo.