Yohanes 5:20 - Taaz Weru Witu u Nunuwu'en Tombulu

²⁰ Pahpaan si Ama' é rumaraaté si Oki' wo ni Sia é nimapailek wia si Oki'-Na péléng am pahpaayangen-Na in esa. Lumouspé'mé niitu si Ama' é mapailek am paayangen lumousé am paayangen itii wia ni Sia, makaz ni kamu mengusi-ngusingsing.

Yohanes 5:20 Iomraidhean Croise

Matius 11:27

A si Yesus kumua kasiima, “Péléng am péléng é mémoiayo ni Ama'-Ku wia ni Aku. Zéi'kan siapa zozo' in esa si mata'u si Oki', akaz uman si Ama' si mata'u si Oki', wo zéi'kan siapa zozo' in esa si mata'u si Ama', akaz uman si Oki' si mata'u si Ama' wo sé tou pinéléng ni Oki' sé makuaan-Na tumoro si Ama'-Na.

Matius 17:5

Taan i si Petrus karegaspé' mahnuwu', kumompo'mé an tumumpamé u ninahak mahsena' ang kumungkunga wia ni séra. Im witu un untep u ninahak itii tinalingamé u nuwu' kimuamé, “Si Kenumo si Oki'-Ku si ikararaaté-Ku, ni Sia si mahwangun un até-Ku mahpaa-paaz, pahtalingala Sia.”

Matius 3:17

An talingané u Nuwu' witi kasendukan ung kimuamé, “Si kenumo si Oki'-Ku si ikararaaté-Ku. Ni Siamo si mahwangun un até-Ku mahpaa-paaz.”

Matius 4:8

A si Yesus ipahwali kasiima ni tonaas né sétang witi wawona ung kentur totoz rakék, an ipapaileknala wia ni Sia péléng ang kakolanoan wia ung kaayahan karia ang kawa'ilanan néra.

Lukas 10:22

Péléng am péléng é mémoiayo ni Ama'-Ku wia ni Aku. Zéi'kan siapa zozo' in esa si mata'u si Oki', akaz uman si Ama'. Zéi'kan siapa zozo' in esa si mata'u si Ama', akaz uman si Oki' wo sé tou sé kapaaz ni Oki' sé makuaan-Na tumoro si Ama'.”

Yohanes 1:18

Zéi'kan siapa si tou nimahile-ilekola si Opo Empung, akaz uman si Oki'-Na si esa uman si nimileko si Opo Empung. Si Oki'-Na sekezé é mengari-ngaria si Ama' wo ni Siamo si mahtuzu'mé wia ni kita séi si Opo Empung.

Yohanes 10:32

Kuan ni Yesus wia ni séra, “Lakez am paayangen lé'os am wia si Ama'-Ku a méyé, a méipapailek-Ku wia ni kamu. Im wana am pinaayang-Ku itii, wisa u nimangun ni kamu im paaz merit ni Aku?”

Yohanes 14:12

Uli-ulit ikua-Kuma wia ni kamu: Séi uman si ma'éman ni Aku, ni sia é mamaayang am pahpaayangeng-Ku. Wo zéi'kan uman niitu, ni sia kangkasii é maayang am paayangen lumouspé'mé niitu, pahpaan ni Aku é mangé wia si Ama'.

Yohanes 15:15

Ni kamu én zéi'mo pahkuang-Ku in ata, pahpaan si ata én zéi'kan mata'u a mawangunen ni tuangna, taan ni kamu ém pahkuang-Ku ing kakaria, pahpaan ni Aku éng kimuamo wia ni kamu péléng an tinalinga-Kumé wia si Ama'-Ku.

Yohanes 17:26

Séi si Ama' é mémoikua-Ku wia ni séra, wo niitu én zéi'kan ikana'-Ku im wanguneng-Ku, wo séra mahraa-raatéan tanu si Ama' rumaraaté ni Aku wo ni Aku maesa karia néra.”

Yohanes 3:35

Si Ama' é rumaraaté si Oki'-Na wo niméhémo wia ni Sia ung kawasa wana péléng am péléng.

Yohanes 5:21

Pahpaan tanu si Ama' én tumou sumaup sé tou nimatémo wo méhé wia ni séra ung katou-touan, téntu kangkasii si Oki' é méhé ung katou-touan wia si séi uman si kapaaz-Na.

Yohanes 5:25

Uli-ulit ikua-Kuma wia ni kamu: Un orasna é méyé wo niiamo un orasna i sé tou nimatémo én tumalinga u nuwu' ni Oki' ni Opo Empung wo sé timalingama niitu é matou.

Yohanes 5:29

Wo ni séra é mondol im witu um woso linewengan ni séra. Sé tou nimangunomé a lé'os é matou sumaup i makailek ung katou-touan makaz ing kauré-uré, taan sé nimangunomé a léwo'an é matou sumaup i makailek un ukuman.

2 Petrus 1:17

Ni kai ém wana i si Yesus nimakailek u sigi' wo u looz um wia si Opo Empung a méyé. Niitu nimamuali i si Opo Empung Si Totoz pahsigi'en wo pahloozen ing kimua wia ni Sia, “Si Kenumo si Oki'-Ku, si ikararaaté-Ku. Ni Sia si mahwangun un até-Ku i mahpaa-paaz.”