Yohanes 5:2 - Taaz Weru Witu u Nunuwu'en Tombulu

² Im witi Yerusalem rété um pepenet tua'na pahkuan “Pepenet Domba” ém wéwéhan ung kolam um witu u nunuwu'en Ibrani pahkuan Bethesda. Im witu ém wéwéhan u lima loloangan.

Yohanes 5:2 Iomraidhean Croise

Yohanes 19:13

I si Pilatus timalingamé an ipahkua néramé itii, ni sia nimatuma sé tou i mahwalimé si Yesus i mondolé, wo si Pilatus rimumezla witu u rurumezan i mahtotoz in ulit kaapa zéi'kan am pahwangunen né tou. Un tampa itii ém pahkuan Welah Watu. Witu u nunuwu'en Ibrani ém pahkuan Gabata.

Yohanes 19:17

Si Yesus é nimasaan u salip-Na nimondolé im witi wanua tua'na a mangé witi tampa makangaran Tampa an Tengkora'. Witu u nunuwu'en Ibrani ém pahkuan Golgota.

Yohanes 19:20

Lakez sé tou Yahudi nimaca u méipantik itii, pahpaan u sinalipan si Yesus é rété uman u Yerusalem. Wo u méipantik witu é nunuwu'en Ibrani, nunuwu'en Latin wo nunuwu'en Yunani.

Yohanes 20:16

Kuan ni Yesus wia ni sia, “Maria!” A luméngéhma si Maria wia ni Sia karia i mahkua wia ni Sia witu ung kukuan Ibrani, “Rabuni!”, ung kalakoana é Méster.

Yohanes 5:3

Im wana a loloangan itii lakez sé tou saki kimolo': sé letok, sé kénto' wo sé lailai. [Ni séra ma'ento' un zano witu ung kolam itii i mogémé.

Yohanes 7:21

Kuan ni Yesus wia ni séra, “Esa uman u makakompo'en winangun-Kula im witu un endo Sabat wo ni kamu péléng é mengompo'mo.

Kisah Rasul-rasul 21:40

I ni sia niénéanola i numuwu', a sia rumendaila witu un ahzan a mayata u lengenna wia sé tou lakez itii. I sé tou lakez nimapenesoma, a sia rengan i mahnuwu' wia ni séra karia u nunuwu'en Ibrani, kuana,

Wahyu 16:16

A sé roh léwo' telu itii ruméwoké sé kolano witu un tampa, um witu u nunuwu'en Ibrani ém pahkuan Harmagedon.

Wahyu 9:11

Si kolano néra é si malaekat mahtéiz um woso um patéan. U ngaran ni kolano itii im witu u nunuwu'en Ibrani é ‘Abadon’, wo witu u nunuwu'en Yunani é ‘Apolion’, ung kalakoana é ‘Meléléwo'.’