Yohanes 5:17 - Taaz Weru Witu u Nunuwu'en Tombulu

¹⁷ Taan ni Sia kimuala wia ni séra, “Si Ama'-Ku é mahpaayang makaz in tarékan, téntu kangkasii ni Aku é mahpaayang.”

Yohanes 5:17 Iomraidhean Croise

Matius 10:29

Zéi'kankuaa sé ringkéng zua én iwangkér karia un zoit totoz rintek uman? Taan, zozo'mokan in téntu zéi'kan siapa im wia sé ringkéng itii sé ikagogo sa zéi'kan witu um paaz ni Ama' niou.

Yohanes 10:36

kaa ni kamu mahkua ni Aku mahséro' wia si Opo Empung pahpaan mahkua ni Aku én Oki' ni Opo Empung? Ni Aku ém pinéléng ni Ama' wo nimatumé ni Aku i méyé wia ung kaayahan.

Yohanes 14:10

Zéi'kan pa'émanennu wé i ni Aku é nimaesa karia ni Ama' wo si Ama' é nimaesa karia-Ku? A méikua-Kuma wia ni ko én zéi'kan witu ung genang-Ku a mangé, taan wia si Ama' si nimaesa karia-Ku a mangé, ni Siamo si mahwangun péléng am pahpaayangen-Na.

Yohanes 5:16

Niitumo, sé tonaas né tou Yahudi mahtututu' in zumézéha si Yesus, pahpaan si tou itii liné'os-Na in endo Sabat.

Yohanes 5:18

Pahpaano niitu sé tonaas né tou Yahudi én totoz mahtututu' i munu' si Yesus, zéi'kan uman pahpaan ni Sia i simala'mola wana an tinotoz witu un endo Sabat, taan kangkasii pahpaan ni Sia ing kimua i si Opo Empung én Ama'-Na wo karia in téntu pinasuat-Namola un tou-Na karia si Opo Empung.

Yohanes 9:4

Ni kita é léwo'zéi' i mangun am paayangen ni Opo Empung si nimatumé ni Aku, in endopé' taré. Zéi'mo mauréma ém wengimo wo in toro niitu én zéi'kan siapa si toro maayang.

Kisah Rasul-rasul 14:17

Taan, ni Sia én zéi'kan nimaliuz i nimapailek un tou-Na karia i mahwangun a lé'os. Ni Sia si mahtumpamé un uzan witi langit wo mahwéhémé un oras i mahupu' wia ni kamu. Ni Sia si mahwéhémé am pahkanen niou wo mahwangun an até niou mahpaa-paaz.”

Kisah Rasul-rasul 17:28

Pahpaan karia ung kawasa-Na ni kita menou-nou wo mengogé-ngogé wo memia-mia, tanu u méikua né memamantik ang kukuan sé mahento' wia'i, ‘Ni kita péléng é suzu-Na.’

1 Korintus 12:6

Wo kasii lakez am paayangen, taan si niméhé ung ketez wia si esa wo si esa i makawawa maayang niana én esa uman. Ni Siamo si Opo Empung.

Kolose 1:16

Pahpaan si Yesus nimaesa karia ni Opo Empung am wangunen péléng am witi kasendukan wo am wia ang kaayahan, ang kaile-ilekan wo an zéi'kan kaile-ilekan, a rurumezan né kolano wo ung kakolanoan, téntu kangkasii sé roh mahkakawasa wo mahpeperénta. Péléng niana ém winangun ni Opo Empung mengiité si Kristus wo méiwéhé wia ni Sia.

1 Tesalonika 2:13

Wéwéhan kasii u nimangun ni kai zéi'kan kumana' i mahkua u makasé wia si Opo Empung, pahpaan i ni kai mahwoka'mé u Nuwu' ni Opo Empung wia ni kamu, ni kamu é simungkul u Nuwu' itii zéi'kan tanu u nuwu' um wia si tou a méyé, taan u Nuwu' um wia si Opo Empung a méyé. U Nuwu' itii én uli-ulit wia si Opo Empung a méyé, ung karegas i mahpaayang wia ni kamu in tou ma'éman.

Ibrani 1:3

Ni Siamo si mahsena'mé u sena' ni Opo Empung wo mengiité ni Sia kita toro milek si Opo Empung. Karia u Nuwu'-Na un totoz mahkawasa, si Yesus mahtéiz péléng am wia ung kaayahan. Kumawusa Sia i miloté sé tou im witu un ukuman wana a singkéla', ni Sia rimumez witu ung kakan ni Opo Empung si totoz wangko' witi tampa totoz rakék.