Yohanes 4:6 - Taaz Weru Witu u Nunuwu'en Tombulu

⁶ Im witu ém wéwéhan um parigi um pahkuan parigi Yakub. Si Yesus én totozo marawoi pahpaan i limapang, niitumo Sia rimumezla witu un tembir um parigi itii. In toro niitu ém woo jam mapulu' wo zua.

Yohanes 4:6 Iomraidhean Croise

Matius 27:45

Rengané witu un jam mapulu' wo zua i lolambot makaz witu un jam katelu im wengindo, péléng um witi tana' itii é nimarimbengbeng.

Matius 4:2

Im witu si Yesus é mahpuasa epatna pulu' endo wo epatna pulu' wengi, kumawusa niitu a Sia mendané maharem.

Matius 8:24

Kumompo'mé a méyé u reges totoz repet. U reges itii nimangun u louz mahsempa' taka-takazan u londéi itii ém pahuntepenoma un zano. Taan in toro niitu si Yesus én timekel.

Lukas 2:7

a sia makaileké si lowai, si oki'na tu'a. Ang kampilennala si lowai itii karia u roko' an ikolo'nala witu u lontang, pahpaan ni séra én zéi'kan méikailekla walé in tulian.

Lukas 9:58

Ang kuan ni Yesus wia ni sia, “Sé longkoi ém wéwéhan an tuleng néra, sé tumétéwél ém wéwéhan a salah néra. Taan si Oki' ni Tou én zéi'kan siapa un toro rewaan-Na.”

Yohanes 11:9

Kuan ni Yesus, “Zéi'kankuaa in endo é mapulu' wo zuana jam? Séi si mahlampang in endopé' un a'éna én zéi'kan kasundui pahpaan ni sia é mahilek witu un ayah ung kaayahan kenu.

Yohanes 4:12

Si Yakub ama' né nimaopo nai, niméhé um parigi kenu wia ni kai. Ni sia karia né oki'na é mengéngéndo zano pengengelepen néra im wia'i téntu kangkasii sé tatamun anuna. Apa pahgenangela ni Tuang i si Tuang lumousé si Yakub?”

Yohanes 4:5

A Sia ikaayola witi Sikhar witi tana' Samaria, um witi rété un tana' méiwéhé ni Yakub wia si oki'na Yusuf im puuna.

Yohanes 4:7

A méyé si wéwéné tou Samaria mésumahap zano. Si Yesus kumuala wia si wéwéné itii, “Wéhanpé'mé zano elepen Aku.”

2 Korintus 8:9

Ni kamu é mata'umo ung kamang méitambér ni Yesus Kristus si Mahpiarata wia ni kamu. Ni Sia im wa'ilan, winangun-Na un tou-Na zéi'kan siapa apa pahpaan ni kamu, wo kamu toro mawa'ilan pahpaan winangun-Na un tou-Na in zéi'kan siapa apa.

Ibrani 2:17

Niitumo, wana péléng am péléng ni Sia é léwo'zéi' i maéndo tou uman kasuat né katuari-Na wo ni Sia maéndo Walian Wangko' si totoz rumaraaté wo ni Sia mahwangun péléng a méiatu ni Opo Empung mengiit un ikapaaz-Na im wangunen, i meresi a singkéla' né tou wo séra mawurian sumaup karia ni Opo Empung.

Ibrani 4:15

Pahpaan si Yesus, si Walian Wangko'ta én toro kangkasii mendan an zéi'kan enté'ta. Ni Sia ém pinema'wa'mo i ni Sia wia ung kaayahan tanu am pahpendanenta in tarékan, taan ni Sia én zéi'kan nimahwangunla a singkéla'.