Yohanes 4:47 - Taaz Weru Witu u Nunuwu'en Tombulu

⁴⁷ Ing kinatalingaanala si Yesus im witi Yudea niméyé witi Galilea, a sia mangé wia si Yesus mahaléi wia ni Sia i méyé witi Kapernaum wo lumé'osé si oki'na, pahpaan si oki'na én tawimo maté.

Yohanes 4:47 Iomraidhean Croise

Matius 2:1

Si Yesus i nimatoumé witi Betlehem tana' Yudea, in toro niitu si kolano é si Herodes. Wéwéhan sé woopira tou tulap sé tototi'en sé witi sendangan a méyé, méikaayoma witi Yerusalem.

Markus 10:47

In tinalinganamé si tou itii é si Yesus tou Nazaret a sia kuméréta, “Yesus, Suzu ni Daud! Iraraaté ndootuumé ni aku!”

Lukas 8:41

A méyé wia si Yesus si tonaas um walé peraragésan né tou Yahudi makangaran Yairus. Sia kumuruzla ung gio makaz witu un tana' witu u sinaru ni Yesus, a mahaléi wia si Yesus i mangé witi waléna,

Yohanes 11:21

Ang kuan ni Marta wia si Yesus, “Tuang, sa ni Ko wia'i in toro niitu, si totoz katuariku én zéi'kan nimaté.

Yohanes 11:32

I si Maria méikaayomola witi tampa ni Yesus a mileka ni Sia, sia kumuruzla ung gio makaz witu un tana' witu u sinaru un a'é ni Yesus a mahkua wia ni Sia, “Tuang, sa ni Ko wia'i in toro niitu, si totoz katuariku én zéi'kan nimaté.”

Yohanes 4:3

A Sia mondolé im witi Yudea a mawurima sumaup witi Galilea.

Yohanes 4:54

Niitu u makakompo'en kazua um winangun ni Yesus witi Galilea i ni Sia nimawurimé im witi Yudea.

Kisah Rasul-rasul 9:38

Sé tou ma'éman wia si Yesus witi Yope én timalingala i si Petrus ém witi Lida, um wanua zéi'kan tahlous zou' im witi Yope. Niitumo ni séra nimatuma sé tou zua i matumawah si Petrus karia kumua in téntii, “Pahrewekomé méyé wia ni kai.”