Yohanes 4:46 - Taaz Weru Witu u Nunuwu'en Tombulu

⁴⁶ A si Yesus mawurima witi Kana um witi Galilea. I makasa si Yesus é nimanguné un zano maéndo anggor im witu. Im witi Kapernaum ung karétékan ung Kana ém wéwéhan si mahpaayang witi istana, si oki'na tuama é saki.

Yohanes 4:46 Iomraidhean Croise

Matius 15:22

A méyé si wéwéné tou Kanaan si witi tana' itii, mah- aléi wia si Yesus karia i mahkéréta, “O Tuang, Suzu ni Daud, iraraaté ndootuumé ni aku! Si kooki'ku é sinelazan ni sétang wo totozo in zézéha.”

Matius 4:13

Ni Sia mondolé im witi Nazaret a mamento' witi Kapernaum, witi tembir u louz Galilea, witi tana' Zebulon wo Naftali.

Matius 9:18

Karegas si Yesus i mahkua niitu wia sé pahtuzu'en ni Yohanes Menanarani, méyé si tonaas um walé peraragésan né tou Yahudi, ang kumuruzla i mahsigi' ni Sia ang kumuama, “Si kooki'ku én taré kalekepala, taan sa tanu an toro mangépé'mé witi waléku wo maizeta'mé u lengen-Mu wia ni sia wo ni sia matou sumaup.”

Lukas 4:23

Ang kuan ni Yesus wia ni séra, “Ni kamu éng kumua wia ni Aku ung kukuan kenu, ‘É dokter lé'osela un toumu in esa.’ Péléng an tinalinga nai a nimamuali witi Kapernaum ém wangunen kasiila wia u Nazaret um wanua-Mu kenu.”

Lukas 7:2

Im witu ém wéwéhan si tonaas né sana atus suraro Romawi. Ni sia ém wéwéhan si ata totoz karaaténa. Si ata itii én totoz saki wo tawimo maté.

Lukas 8:42

pahpaan si kooki'na si esa uman é saki wo tawimo maté. Ung katou-touan ni kooki' itii ém woo mapulu' wo zuana ta'uno. A si Yesus mangé witi walé ni Yairus. Karegas Sia i mahlampang, sé tou lakez é mahsésé'sé'an witu u rété-Na.

Yohanes 2:12

Kumawusa niitu si Yesus nimangé witi Kapernaum karia ni ina'-Na wo sé katuari-Na wo sé pahtuzu'en-Na. Ni séra é nimento' witu woopirana endo uman.

Yohanes 21:2

Im witi tembir u louz itii nimaréwok si Simon Petrus, Tomas si pahkuan Kambar, si Natanael tou Kana witi propinsi Galilea, sé zua oki' ni Zebedeus wo sé zua pahtuzu'en-Na walina.