Yohanes 4:34 - Taaz Weru Witu u Nunuwu'en Tombulu

³⁴ Kuan ni Yesus wia ni séra, “Ung kakaneneng-Ku é mahwangun um paaz-Na si nimatumé ni Aku wo sumampet um paayangen-Na.

Yohanes 4:34 Iomraidhean Croise

Matius 26:39

A Sia lumampanga oki', kumuruzla karia in timuktuk a mengaléi, “O Ama'-Ku, sa tanu an toro, izou-zou' im wia ni Aku an zézéha kenu, taan ikiitola um paaz ni Ama', zéi'kan mengiit um paaz-Ku.”

Matius 3:15

Ang kuan ni Yesus wia ni sia, “Iwayamola ni ko si sumaranimé ni Aku. Pahpaan karia i nimangunla niitu, ni kita é nimangunola péléng um paaz ni Opo Empung.” Kaitalingamé niitu, a si Yesus saraninala.

Matius 9:19

A si Yesus rumendaié a mangé karia né pahtuzu'en-Na kimiita si tou itii.

Lukas 15:10

Ni Aku kumuama wia ni kamu, téntu kangkasii sé malaekat ni Opo Empung sé witi kasendukan é mahpaa-paaz pahpaan wéwéhan si tou mahsingkéla' timula'u a singkéla'na.”

Lukas 19:10

Pahpaan si Oki' ni Tou é méyé i menéro sé tou méikalulu wo milot ni séra im witu un ukuman wana a singkéla'.”

Lukas 2:49

Taan si Yesus é nimingkot umanla, “Kaa si ama' wo si ina' é menéro-néro ni Aku? Zéi'kan kata'uan niou wé i ni Aku én totoz uman memia-mia um walé ni Ama'-Ku?”

Yohanes 17:4

Ni Aku é nimapaileko ung kawangko'an ni Ama' im wia sé tou wia ung kaayahan kenu karia i simampeta um paayangen u méiwéhé-Mu wia ni Aku im paayangeng-Ku.

Yohanes 19:28

Tumondong niitu, pahpaan ing kata'uano ni Yesus im péléng am paayangen-Na é simampetola, wo u méipantik witu um Pinantik Lenas malekep, ni Sia kimua, “Ni Aku é maré'o!”

Yohanes 19:30

Makapé'anla un anggor esem itii, a si Yesus kumuama, “Simampetola.” A Sia tumuktukla an iayo-Nala ung katou-touan-Na.

Yohanes 4:32

Taan si Yesus kimuala wia ni séra, “Wia ni Aku ém wéwéhan ung kakanen zéi'kan kata'uan niou.”

Yohanes 5:30

Zéi'kan siapa un toro wanguneng-Ku ikiit um paaz-Ku in esa. Ni Aku i mahtotoz am pahwangunen né tou in ulit kaapa zéi'kan é mengiit an tinalinga-Ku wia si Ama'. Wo ni Aku én zéi'kan mahsanaweka i mahtotoz am pahwangunen né tou ulit kaapa zéi'kan, pahpaan ni Aku én zéi'kan mahkiit um paaz-Ku in esa taan mahkiit uman um paaz ni Ama' si nimatumé ni Aku.

Yohanes 5:36

Taan un tinalinga wo u niilek-Ku é lumouspé'mé u méikua ni Yohanes Menanarani un tinalingana wo u niilekna tumoro ni Aku. An tumuzu'mé itii ém péléng am paayangen méiwéhémé ni Ama' wia ni Aku im paayangeng-Ku. Am paayangen itii kangkasii ém pahpaayangeng-Ku in tarékan, niitumo an tumuzu'mé i ni Aku é méiatumé ni Ama'.

Yohanes 6:33

Pahpaan u roti méiwéhémé ni Opo Empung é roti un timumpamé im witi kasendukan wo mahwéhé ung katou-touan wia sé tou wia ung kaayahan kenu.”

Yohanes 6:38

Pahpaan ni Aku én timumpamomé im witi kasendukan zéi'kan i mangun um paaz-Ku, taan i mangun um paaz ni Opo Empung si nimatumé ni Aku.

Yohanes 8:29

Ni Sia, si nimatumé ni Aku é menaté-natér ni Aku. Zéi'kan iwaya-Na ni Aku i mengesa-ngesa, pahpaan ni Aku sekezé é mahwangun a mangun ni Sia mahpaa-paaz.”

Kisah Rasul-rasul 20:35

Im wana am péléng ni kamu ém winéhangkumoma ung kékéréan, karia i mahpaayang tanu niitu ni kita én toro sumawang sé tou susa. Ni kita é léwo'zéi' ing gumenang u méikua ni Yesus Mahpiara in téntii, ‘Si tou mahwéhépé' si mahpaa-paaz taan si tou pahwéhan.’ ”

Ibrani 12:2

Mahweren umana wia si Yesus si mahtu'tul um pa'émanenta wo nimangun um pa'émanenta nimalekep. Ni Sia ezen i nimazézéha witu u salip wo zéi'kan pandungen-Na zozo' niitu makaizangen, ni Sia mahgenang umana u mahpaa-paaz u mapendanen-Na in tumondong. In tarékan ni Sia é rimumezo witu ung kakan u rurumezan ni Opo Empung ing Kolano.