Yohanes 4:21 - Taaz Weru Witu u Nunuwu'en Tombulu

²¹ Kuan ni Yesus wia ni sia, “Ina', pa'émanela u méikua-Ku kenu, méyé un orasna i ni kamu mérumagés wia si Ama', zéi'kan witi wawona ung kentur kenu wo zéi'kan kangkasii witi Yerusalem.

Yohanes 4:21 Iomraidhean Croise

Matius 18:20

Pahpaan sa wéwéhan zua kaapa telu tou sé nimaréwok i mengaléi karia u ngaran-Ku, ni Aku kangkasii é memali-mali karia néra.”

Matius 28:19

Niitumo, mangémo wangunela péléng sé tahsasana wanua maéndo pahtuzu'eng-Ku wo saranila séra karia u ngaran ni Ama', ni Oki' wo ni Roh Lenas,

Lukas 21:24

Wéwéhan sé wunu'en karia um pisou wo sé walina é mationan an itia' wana am péléng tahsasana wanua walina. Wo um wanua tua'na Yerusalem é makawasaan né tahsasana wanua sé zéi'kan mata'u si Opo Empung makaz witu un oras tinotozo ni Opo Empung tumoro ni séra.”

Yohanes 14:6

Kuan ni Yesus wia ni sia, “Ni Akumo si lalan i mangé wia si Opo Empung wo mapata'u ung kaulitan tumoro si Opo Empung wo si mahwéhé ung katou-touan makaz ing kauré-uré. Zéi'kan siapa zozo' in esa si mangé wia si Ama' sa zéi'kan mengiité ni Aku.

Yohanes 16:2

Ni kamu én iwoho né tonaas né tou Yahudi im wana am walé peraragésan néra. Wo un orasna é méyé i si tou mahwuwunu' ni kamu é mahgenangla ni sia é mahpaayang wia si Opo Empung.

Yohanes 16:32

Gena-genangen, un orasna é méyé, lumouspé'tarémé niitu ém wiamo i ni kamu si esa wo si esa isera i mawuri witi walé niou wo tumula'u ni Aku mengesa-ngesa. Taan ni Aku én zéi'kan mengesa-ngesa, pahpaan si Ama' é mengari-ngaria ni Aku.

Yohanes 4:23

Taan un orasna é méyé wo tarékano un orasna i sé tou sé uli-ulit mahragés é marumagés wia si Ama' karia ung kawasa ni Roh Lenas wo ang kaulitan. Pahpaan si Ama' é mahpenéro sé tou mahragés tanu niitu wia ni Sia.

Yohanes 5:25

Uli-ulit ikua-Kuma wia ni kamu: Un orasna é méyé wo niiamo un orasna i sé tou nimatémo én tumalinga u nuwu' ni Oki' ni Opo Empung wo sé timalingama niitu é matou.

Yohanes 5:28

Ni kamu én tia'mo mengompo' in tumalingama niia, pahpaan un orasna é méyé im péléng sé nimatémo wo mémoileweng én tumalinga u nuwu' ni Oki' ni Tou.

Kisah Rasul-rasul 6:14

Ni kai kasii én timalingamola ni sia i mahkua i si Yesus si tou Nazaret itii éng kumayas um Walé ni Opo Empung kenu, wo ang kinanaram a méipahtuzu'ma ni Musa wia ni kita ém pahwalina-Na.”

Efesus 2:18

Pahpaan mengiité si Kristus, kita in tou Yahudi karia né tou zéi'kan Yahudi, winukaan lalan i rumété wia si Opo Empung si Ama' karia in tinulung ni Roh Lenas si esa uman.

Efesus 3:14

Niitumo, ni aku éng kimuruz karia nimongkot i mengaléi wia si Ama'.

1 Timutius 2:8

Niitumo kapaazku sé tuama wisa uman ni séra i mengaléi, u lengen é méiayat karia un até weresi, zéi'kan maupi' wo zéi'kan siapa pahéndo-éndoan.

1 Petrus 1:17

Pahtawahen niou si Opo Empung in Ama', ni Sia si zéi'kan mahtémbo-témbo i mahtotoz ulit kaapa zéi'kan mengiit am pinahwanguné né tou. Niitumo, ni kamu sé limepuh umané wia ung kaayahan kenu é léwo'zéi' mahsigi' ni Sia.

Wahyu 21:22

Ni aku én zéi'kan nimileké um Walé ni Opo Empung witu um wanua tua'na itii. Pahpaan um Walé ni Opo Empung itiimo si Opo Empung, Si Totoz Mahkawasa, wo téntu kasii si Anak ni Domba itii.