Yohanes 4:1 - Taaz Weru Witu u Nunuwu'en Tombulu

¹ Si Yesus é nimata'umola i sé sana réwok tou Farisi én timalingamola i sé nimaéndo mahkii-kiit wo sé sinarani ni Yesus é lumouspé'mé ung kalakez né sinarani ni Yohanes Menanarani. (

Yohanes 4:1 Iomraidhean Croise

Lukas 1:76

Wo ni ko, oki'ku é mapahkuan nabi ni Opo Empung si Totoz Rakék. Pahpaan ni ko é méiatu i mapuunamé im wia si Mahpiara i mémimek u lalan lampangan-Na,

Lukas 19:31

Sa wéwéhan si meligau wia ni kamu, ‘Kaa niowaran nioué si keledai itii?’ Wingkoten umanla in téntii, ‘Si keledai kenu ém pemandungen ni Tuang.’ ”

Lukas 19:34

Am wingkoten nérala in téntii, “Si Tuang memandung si keledai kenu.”

Lukas 2:11

Téntii u Nuwu' Lé'os itii, ‘In endo kenu é nimatoumomé witi wanua tua'na ni Daud, si Milot ni kamu im witu un ukuman wana a singkéla'. Ni Siamo si Kristus, si Mahpiara.’

Lukas 7:13

I si Yesus nimileka si wéwéné itii, mawiamé u raraatéan-Na. Ang kuan-Na, “Ina', tia'mo mahamé'!”

Lukas 7:19

an tawahennala sé zua im wia sé pahtuzu'enna, an iatunama séra zua mangé wia si Yesus i malumigau téntii, “Ama', apa ni Komo si méitaaz ni Opo Empung i méyé, kaapa wéwéhan tou walina si totoz in ento'en nai?”

Yohanes 3:22

Tumondong niitu, si Yesus karia né pahtuzu'en-Na mangé witi Yudea wo nimento' witu woopirana endo karia néra wo mahsarani sé tou.

Yohanes 3:26

Ni séra niméyé wia si Yohanes ang kumua, “Méster, si nimahwali-walimé karia ni méster im witi leweta u so'so'an Yordan si méipahsiritamumé wia ni kai tumoro a niilekmu wia ni Sia, ni Sia kangkasii é mahsarani sé tou wo péléng sé tou é mahangé wia ni Sia.”

Kisah Rasul-rasul 10:36

Kata'uan niouo u Nuwu' ni Opo Empung u méipapaayo wia sé tou Israel. Ni Sia éng kimua i sé tou é mawurian sumaup karia ni Opo Empung mengiité si Yesus Kristus, si nimaéndo Mahpiara péléng né tou.

1 Korintus 1:17

Pahpaan ni aku i méiatu ni Kristus én zéi'kan i sumarani sé tou, taan mahwoka' u Nuwu' Lé'os tumoro ni Sia. Ni aku i mahwoka' u Nuwu' Lé'os itii én zéi'kan karia ung katulapangku i mahnuwu', pahpaan sa sé tou ém paaz uman ung katulapangku i mahnuwu', tantumo ung kawasa si Kristus i nimaté witu u salip én zéi'kan siapa torona.

1 Korintus 15:47

Si tou kataré winangun ni Opo Empung én tana' am wangunen. Un tana' itii niéndo wia ung kaayahan kenu. Taan si Kristus si Tou kazua, ém witi kasendukan a méyé.

1 Korintus 2:8

Zéi'kan siapa im wia sé mahkawasa wia ung kaayahan kenu sé mata'u ung katulapan ni Opo Empung itii. Pahpaan sa kata'uan néramo ung katulapan itii, si Yesus Mahpiara si pahloozen wo pahsigi'en én zéi'kan sinalip néra.

2 Korintus 4:5

An ipahwoka' nai én zéi'kan tumoro ni kai, taan tumoro si Yesus Kristus Mahpiara. Ni kai nimaéndo ata niou, pahpaan ni kai é mahpaayang ang kapaaz ni Yesus.

Yakobus 2:1

Katuari-katuariku, ni kita in tou ma'éman wia si Yesus Kristus Mahpiarata si pahsigi'en wo pahloozen én tia' meméléng tou.

Wahyu 19:16

Witu ung karai tonton-Na wo witu um paa-Na ém pinantikan u ngaran, “Kolano péléng né kolano wo Tuang péléng né tuang.”